أمثال وأغاني ريف دمشق
From Reefnetwiki
فهرست |
أمثال وأغاني ريف دمشق
أمثال وأغاني منطقة الزبداني
الأمثال الشعبية
البرغل مسامير الركب .
البيكة ضيقة والحمار لباط .
بوس الأيادي ضحك عاللحى .
بيت رجال ولا بيت مال .
بعيد البربارة بنط النهار نطة فارة .
بيجوّز الدكر للدكر
البيت اللي رباكي ما راح وخلاكي
البني آدم أسود راس أسود راس .
بعيء الجدي ولا سواد العنقود .
البواب مغلقة والهموم مفرقة .
بدل كا تكشها اضربها اكسر لها رجلها
البحصة بتسند خابية
بالبرية حرية
بتحطوا بالصدر بتلاقيه بالعتبة
بين حانا ومانا ضاعت لحانا
بس توقع البقرة بيكتروا دباحينا
بعد الأربعين عد سنين
بتحركش البرودة لتجيه السخونة
بعد نفسي ما ينبت حشيش
بحبك يا سوارتي متل زندي لـأ .
بحجتك يا بنتي باكل أنا وإنت .
بالسخرة متل المهرة وبشغيلي مقطوع حيلي
بساط الصيف واسع .
إذا ضربت ضروب ووجاع وإذا أكلت كول وشباع .
إذا كبر ابنك خاويه .
اذا اجا ابنك لأيس ادبحوا .
إذا في بإيدك زفر مسحو بأقرب الناس إلك .
إذا شفت أعمى طبوا مانك أكرم من ربه .
إذا حج جارك بيع دارك .
إذا حبيت حب أمير وإذا عيروك يحرز التعيير .
إذا كان حبيبك تور إلبسلو أحمر .
إذا في بتمك دم لا تبزؤا أدام حدا .
إذا جن ربعك جن معهن .
أذن من طين وأذن من عجين .
أصغر ما فينا مزمر بللأطينا .
ابنك لا تعلموا الدهر بيعلمو .
أبوه البصل وأمه التوم من وين بدو يجيب هالريحة الحلوة .
الأم بتلم .
أنا بحقو انت شو دقو .
ألف أم تبكي ولا أمي تبكي وأيضاً أمي ولا أنا .
الأسى ما بينتسى .
أهلك ولا تهلك .
أنا واخي عا ابن عمي وأنا وابن عمي عالغريب .
ألف كلمة جبان ولا كلمة الله يرحموا .
إيدوا بالعطا كتعا .
الايد يلي ما فيك تعضها بوسها ودعي عليها بالكسر .
أكل الزلم عاقد فعالها .
إلك من هالحزمة عود والبقايا تنتعهن القرود .
إلك محب إلك ميت عدو .
الأرض الواطية بتشرب ميتها ومية غيرها .
أم المية دبروها وأم الواحدة حيروها .
أيمتن كنا والشمس تطرقنا.
ذكور الديب وهيّ القضيب .
أكبر منك بنهار أعرف منك بسنة .
ابنك عا ما ربيتيه وجوزك عا ما عودتيه .
ايد واحدة ما بتزقف .
الزق هالطينة بها الحيط ما لزقت بتعلم .
اشتغل بفرنك وحاسب العطال .
متل قلع الدرس
متل قلب النهار
متل القرقة
متل القضا المستعجل
متل الكشك
متل الحمّام المقطوعة ميته
متل الشحمة عالفطيرة
متل كعب الجمل لا بينلعب فيه ولا بينحط بالجيبه
متل الكلب بس تقيم اجرك عن رقبتو بيعوي
متل التربة ما بترد ميت
متل حريق الزرع
متل القطربة
متل العبد القاتلو سيدو
متل عجل فطوم
متل الدق عالركاكيب
متل طبيخ القرود
متل هرش البقر
متل الأطرش بالزفة
متل القطاط بسبعة رواح
متل البرد أساس كل علة
متل دكر النحل بياكل الجنا وبيضيق المكان
متل أم العروس فاضي فاضي مشغول مشغول
متل طبال النور
متل صبيان القاضي
متل غيمة شباط
متل الزيز باللبن
مثل النقطة بالمصحف
مثل سعادين اليمن
مثل حمصة الكي
مثلك مثلك يا إنسان
مثل اللي عازم الحمار عالعرس يالزق المي يا لزق الحطب .
مثل اللي مطهر بتياب خالو
مثل الشوكة بالعين
مثل الشيبة
مثل ولاد أم عيسي
مثل التلاتي بنص الجمعة
مثل الجراد بياكل الأخضر و اليابس
مثل فرد النيكل وقت اللي بتعوزو بيروكب
من قلة الخيل شدو عالكلاب سروج
من أّّمنك لا تخونو و لو كنت خوان
من عدك لنفسو ما ظلمك
من السبعة اللي خلطوا الدبس بالطحينة
من سلمك مدبحو لا تدبحو
من قصدك وجب حقو عليك
من حضر السوق باع و اشترى
من دهنو سقيلو
من هالك لمالك لقباض الرواح
مين أدرى بحالك؟ ربك وجارك.
منديل غناجك
ما أحلاك جدي وما أبشعك ساعور
ماشي الحيط الحيط وبقول يا رب السترة
ما بيشكر بحالو إلا الشيطان
ما بعد الشدة إلا الفرج
ما حدا عا راسو خيمة
ما بقى ينزل بحناك اللوء إلا الخبز المرقوق
ما ضل بالكرم إلا الحطب
ما بيحك جلدك إلا ضفرك
ما لو بالقصر إلا من مبارح العصر
ما بتقرقع بالدست إلا كل عضمة
ما ضل حدا أخو حدا
ما بيحمل الجور إلا التور
ما في دخان بلا نار
ما بقيت بالقلب إلا القلب
ما صار شي لصار متلو
ماسك الأرض فردة والسما فردة
ما وصلت فرحتنا لقرعتنا
ما بتزرعها ما بتشبعها
ما بقي من العمر أكثر ما مضى
ما بضل عا هو إلا هو
ما بتعرف خيرو لتعاشر غيرو
ما إلك من هل المراح سراح
ما بيعرف بأديش إبنو
مطعم عا خوخ الدب
مطبل بالدني مزمر بالآخرة
مصارينو عم تشحط
مال الخسيس بروح فطيس
مغسِل وكفلان الجنة
مزاريبو لبرا
مصبوبلو بالزايد رزة
مو كل قرقة بتكاكي بتقعد عا البيض
مد إيدك على عبك الله بحبك
موكب الضراير سار وموكب السلايف احتار
اللي متلو الأمتال انبيا
اللي متلنا تعو لعنا
اللي بتعرف قديتو اقتلو
اللي بيطلع من توبو بيعرى
اللياالي بتحطو بالضرب بتاخدو بالمغرفة
اللي الو شعرة من الجمل بنخخو للأرض
اللي ما بياكل توم ما بتطلع ريحتو توم
اللي ما بيحضر خليفة عنزتو بتجبلو كلب
اللي بيعيش مداري بيموت سقيم
اللي تذكرك بعظمة كنت عندو عظيم
اللي ما بيمتثل للناس مانو من الناس
اللي كان الديك إماموا لقن مأواه
اللي جبينو مغطى خدو مكشف
اللي بدو يلاعب القط بدو يلقى خراميشو
اللي بدك تقضيه اقضيه واللي بدك ترهنو بيعو
اللي طالع الحمار عالمادنة بينزلو
اللي بياكل من خبز السلطان بيضرب بسيفو
اللي ما بدو يجوز بنتو بيغليّ مهرا
اللي ببيت أهلو عامهلو
اللي بجنبو مسلة بتنخزو
اللي بيشوفك بعين شوفو بالتنتين
اللي ما بياخد من ملتو بيموت بعلتو
اللي ما بيشوف من طاقة الغربال أعمى
اللي بيجرب المجرب بيكون عقلو مخرب
اللي بيعوز الكلب بيقولو يا حج كلب
الباس ما بإجرو دكتو أربعين
اللي ما لو حظ لا يتعب ولا يشقى
الله يطعمك الحجة والناس راجعة
الله يتبع الحبل بالسطل
الله بيدوس النبض وبيعطي الدوا
لعب الايد بغيض
لا تقول فول لتحط بالمكيول
الولد اللي ما نو من ضهرك كل جن افرح لو
لا تشتري حمارة وأمها بالحارة
لا الفارة طاهرة ولا دواعيها مستجابة
لا بيقطع عرق ولا بيسيح دم
لا دق لي ولا رقصت لو
لابق لشلابق ولبو زريق قبقاب
اللي ما بيغار بيكون حمار
ليجي الصبي منصلي عالنبي
لبن الضرف بيغرف غرف
لا تخلط بالرز بصل
الله ما بيبلي ليعين
الله ما عندو حجار يراشق فيها
توب العيرة ما بيدفي وإذا دفى ما بيدوم
تلم بكر بور
تور الشركة فطس عالمعلف
التلم أعوج من التور الكبير
التعلب أكل منجل طلع من جنابو
اتعشى وتمشى لنو خطوتين واتغدى واتمدى لنو دقيقتين
حاج مناقرة من بولاد
جارك القريب ولا أخوك البعيد
جوز الشب والصبية وزتهن بالبرية
الجنازة حامية والميت كلب
الجار لو جار
جناب متل الطناب
الجاجة بتشرب وبتطلع عالسما
حد العقرب لا تقرب وحد الحية افروش ونام
حاكمك عاكمك
حزين وقع بسلة تين
حضر الماء بطل التيمم
حط الفول واغلي تحتو ما اضرب من الخال إلا ابن أختو
حط اجرتينو بفرد بابوجه
الحق بالدرهم والبخشيش بالقنطار
الحمل الخفيف بيجيب أخوه
الحجر يلي ما بيعجبك بيفجك
الحمل عالجماعة خفيف
حلس – ملس – نجس
الحكم ملح الأرض
الحلو يا غالي زمان وبينفضى والعقل والمعروف خير البضايع
الحجر بيمطرحو قنطار
الحلو حلو الطبايع
حظ اعطيني وبالبحر ارميني
الحاجة ما بتروح إلا براغبين
خلي للصلح مطرح
خبّي القوت لزرار التوت
خبز الحف بيعرض الكتاف
الخوف بيقطع الجوف
دبور هدا على المسن ألو سن إذا فيك تسن
الدم ما بيصير مي
الديك الفصيح من تحت أمو بيصيح
الدكان بدها اجر مكسورة
الدفا عفا ولو كان بعز الصيف
الدني طبلة بتنهز ما بتوقع
الدروة أخير من الفروة
ناس بتاكل الجاج وناس بتوقع بالسياج
نيالك يا آخد القصيرة أد ما كبرت بضل صغيرة
النبي وصى بسابع جار
الناس بالناس والقطة بالنفاس
النقار بيخرب الديار
نحنا مناكل الحلوان والصبي تقبره أمه
نوم الضحى بكبر اللحى
نسيت يا نانا ولبست كتانا ونسيت جر العبي من خان لخانا
نهر جرى لا بد ما يجري
هم مالك ، هم اشترينالك
هىّ الجار قبل الدار
هيّ الرفيق قبل الطريق
هبط عليه حيطان
هالي متلنا تعو لعنا
هين فلوسك ولا تهين نفوسك
هم البنات للممات
الهريبة تلتين المراجل
هادا لوني من يوم اللي جلوني
ها لمي ما شيه هوي لها
وجع ساعة ولا وجع كل ساعة
وجع الضرس مخلوط بجنان
وجع الضرس ما في أجر
واعي وحزين
وجو ما بيضحك لرغيف السخن
وقعت الفارة من السقف قالت لها البسة اسم الله قالت لها الفارة تركيني وأنا بألف خير من الله
الولد ولد وحكم بلد
وزع البحر بيتوزع
عاللأرض يا حكم
عينو فيه وتفو عليه
عمرو ما حدا يورت
العافية بتجي أول بول
العنزة الجربانة بتشرب من راس العين
عينو بخرج غيرو
عدا السبت بجنب اليهودي
علة الحمار بس يشبع بلبط
عل أد بساطك مد إجريك
عرم يا جوخ صاحبك طفران
العبد ما بيتعامل على عمله
عامل السبعة وزمتها
العمر بيخلص والشغل ما بيخلص
عداوة البطن أربعين سنة عند اللي بيفهم وعند اللي ما بيفهم العمر كلو
عقلك براسك تنين بديروك
عقلك براسك بتعرف خلاصك
فوق الدكة شرطوطة
فطوم ربت عجل ما فلح
الفقر جنزير السباع
الفرشة بتحب الضعيف
الفرس اللي بنزل عنها كل القوم تركبها
الفقر بيعمي القلب
الفزع بيطير الوجع
غسل وجّك ما بتعرف مين ببوسه
غير بدارك ولنّو من عند جارك
الغايب عذره معه
غب غب الجمال وقوم قوم الرجال
الغالي حقه معو
غالي والطلب رخيص
الغول أكل العالم وما أكل مرتو
كلّو مع العافية طيب
كول زيت وناطح الحيط
كول على ذوقك والبيس على ذوق الناس
كول لفت ولو تلفت
الكلب ما بيعض دنبه
كلّو خير من بلّوق
الكلب خلّف جرو طلع أنجس من أبوه
الكذب ملح الرجال وعيب عاللي بيصدق
كل سكره والها مفتاح
كف عدس
كل مين بشد اللحاف لتالو
كتر الأسئلة وقلل البرمان
كترت كاراتو ألّت باراتو
كنت عالي من العوالي صرت دور عابواب العوالي
كل أوان ما بيستحي من أوانو
كاب مأيل بمربط فرس
كنّاس ما بيغبر عا طحان
كسير إيدو وشحد عليها
كلنا بالهوى سوا
كلّو من بركة عازر
عند ضيقة ها النفس خد لك هالضرف انفخو
عد وجدك ما بودّك
عقلا تو شغل إيدو
عقلاتو جوزتين بخرج
عاتب وكبر لنو استحى ما قال
عضمو بيجرح تحت التراب
عم يغطي السموات بالقبوات
عرج الجمل من شفّتو
عيش يا كديش لينبت الحشيش
يا حواجبو يا عيونو عالمغتسل باين
يا داخل بين البصلة وقشرتها ما بنوبك إلا ريحتها
يا مستعجل هدي لقلك
يا كلها السبع ولا ياكل الضبع
يا آخد القرد على مالو بكرا بروح المال ببيقى القرد على حالو
يا مبدل الغزلان بقرود
يا جاري أنت بحالك وأنا بحالي
يا طالب الدبس من طيز النمس كفاك الله شر العسل
يا بطخو يا بيكسر مخو
الإيد يلي ما فيك تعضها بوسها ودعي عليها بالكسر
يا حدو حدّو يا بالخزانة
كل ما بيت فلان حدو خليهن بتمد الخنفسة أجرها
كل ديك عا مزبلتو صيّاح
كل عنزة معلقا بعرقوبها
كل عنزة سابت ردوها عا بيت ثابت
كل جديد وإلو لده
كل دقن وإلها مشط
كل دق و إلو هربو جتو
كل وقت وإلو أدان
كل ساعة وإلها ملايكة
كل شي زاد عن حده نقص
كل شي أخير من بني آدم
كل جاي قريب وكل رايح بعيد
كل عيش وإلو كريش
كل مين حقو بيرضيه
كل الناس بتسألك شلون أمك ما حدا بيسألك شلون أبوك
كاس على كل الناس
كومة حجار ولا ها الجار
كلب يعوي معك ولا كلب يعوي عليك
بعض الكلمات العامية الزبدانية
استعين لوضع هذه الدراسة بالمراجع التالية:
موسوعة العامية السورية ، تأليف : ياسين عبد الرحيم ، ألربعة أجزاء ـ منشورات وزارة الثقافة في الجمهورية العربية السورية 2003 م.
المعجم الوسيط قام بإخراجه : إبراهيم مصطفى ، أحمد حسن الزيات ، حامد عبد القادر ، محمد علي النجار ، جزئين ، الطبعة الثانية 1960 ، دار الدعوة .
مختار الصحاح ، محمد بن أبو بكر الرازي ، الطبعة العشرون 2003 ، دار الارشاد للنشر .
وهذه الألفاظ مرتبة حسب التسلسل الأبجدي
ملاحظة: لا يزال الكثير من هذه الكلمات الواردة في هذا البحث مستعملاً حتى وقتنا الحاضر وخاصة في البيئة الاجتماعية التي ما زالت تمارس الأعمال الزراعية . وقد استعين بهذه المصادر بتصرف .
حرف الألف
- آلش: جرب وخبر واعتاد
- آيس : فقد أمله
- انبلش : ورّط نفسه في العمل
- أبلق: الحيوان الذي يختلف لون رأسه عن لون جسمه وهو غير مرغوب لدى الفلاح ومنها المثل ( كل الكلاب خير من بلوق )
- ابن الايها: أصلها ابن التي هي ... وهي للذم والعبارة كناية عن ابن الزنى
- أتات : تحريف لكلمة أثاث وهو جميع ما يستعمله الانسان في داره
- أتوره: تصغير أثر ـ شيء قليل
- إترة : الأثر الزهيد من الشيء
- إجا: مقلوب جاء وهي بمعناها
- أجعز: مقلوب أزعج وهي بمعناها
- أح : كلمة تقال عند الشعور بالبرد
- أحمر: أكثر حمرته ـ أكثر غباء وسء تدبير
- أخو أختو: صفة لمن يتمتع بصفات الرجولة من قوة وإقدام ومروءة
- أوريس: لعبة تشبه لعبة الداما يلعبها شخصان وتتألف من رقعة مقسمة إلى تسعة مربعات متساوية وكانت منتشرة بكثرة في البلدة فيما مضى
- أوغشت: أطلست بعد الغروب ، وغشه : قبل طلوع الشمس
- أدكش: من عيونه ( دكش ) أي لا يرى بهما جيداً
- ارتهق: أصيب بالدهشة والذهول
- انبأط: ذاد عن حده في تناول الطعام
- أديش: بمعنى استفسار : كم
- اتبعور: تقال خاصة في ثمار الجوز بعد جني المحصول وجد شيئاً من هذه الثمار بعد النظر والترقب باهتمام.
- أربينا : أداة حادة لينة وطرية تستعمل للقتال توضع على الخصر تحت الحزام ومنها القول العامي : ( وأربينا طقطق جلدك )
- أزرق: صفة تطلق على بعض الأشخاص : متجبر ، حقود ، شديد التحمل ومنها القول العامي ( عضمو أزرق )
- أزعر: العيار والوغد وتقال لمن يطلق لنفسه عنانها في الشهوات ويتشطر على الناس أو الشرس سيء الخلق وجمعه زعران .
- أزعل : أغضب
- إزننامه : إذن في الزواج صادر عن القاضي المسلم وهي تركية الأصل izinname
- أزوط: شخص له عين أصغر من العين الأخرى
- أرجم: قطع الأغصان الصغيرة وترك الكبير أو أعاد صياغة ورسم شكل الشجر با ( الزابورة أو الزوبر أو مقص الدوالي )
- استنغص : استنعصلوه: تمنى له شيئاً جيداً كالأكل والشرب وغيرها
- استحون: أسف لضياعه أو استعماله في موقع غير مناسب برأيه
- استغشم: استجهل وغشيم : جاهل
- استلقى: أمسك أو حصل على الشيء وفصيحها تلقى
- استنى: بمعنى انتظر أو تمهل
- استهدى: وجد ضالته ـ ما اضاعه
- استوى: نضج أصبح جاهزاً للاكل كالطعام والثمار
- إسا: ( لسا ) لم يحن الوقت بعد
- أشأش: نفخ بالشبابة
- أشبه: فطن وحسن التدبير
- استشفى غليله: أي نال حاجته فبردت حرارة قلبه
- اشتلق: انتبه لأمر خفي ـ لاحظ من السريانية estakal
- أشّر: أعطى إشارة
- أشكرا: واضح للعيان من الفارسية ( achkar ) ويقال في العامية: ( أشكرا خبر ) أي خبر واضح ليس فيه إبهام
- أشمط : من قطعت أذنه ومنها : ( شمط لو دينتيه )
- أشوى: أفل سوء
- أصرم : مائل العنق إلى اليمين أو اليسار فصيحها الأصور
- اصطهج: غرق في الانشراح واللهو
- أطنب: الاكثر حفظاً وإحكاماً
- أطرم: الذي يلتاث عليه الكلام ولا يحسن النطق لحمق أو قلة خبرة
- اصطلط: تعود على شيء معين استمتع بالفعل وأحب تكراره
- اعتاز: احتاج
- أعجر: عكس استوى أو نضج
- افترى: تعدى عليه
- أقلط: أكثر قذارة ـ قلط ومنها القول العامي ( بدي ضل قلطو ) أي أنظف القذارة وراءه
- أكل قتله : ضرب ومنها القول العامي ( أكل قتلة حمار مقشر توتة ما اكلها ) الشدة الضرب
- التعن: حلت عليه اللعنة ـ لم تتيسر أموره
- التكش: اهتم، بالى
- ألفية: قارورة كبيرة تسع وزن ألف درهم
- انقشط: ذهب بدون رضا
- أمزة: قفزة صغيرة
- أفورة: وعاء مصنوع من القصب يحتوي غالباً على عدة الخياطة
- ألده : خشبة طويلة
- أمّ : مستعتم
- أوطب: لاقى له محاولاً حصاره أو مسكه
- أيل: للدواب جلس أو قعد
- اصرفت: للبقر صار وقت تزاوجها
- أمان : قطعة محددة باتجاه واحد من الأرض المزروعة بالحبوب أو البقول يقسمها الفلاحون أثناء الحصاد .
- انطبز: زعل أو انزعج وحرد
- انّتتر : غضب وانتفض
- أوام: للتأكيد على السرعة ـ أسرع
- اشتلق: انتبه ولاحظ
- انبرم: لوى نفسه وأدار رأسه جانباً غضباً واشمئزازاً
- انبج: انشق
- انبغت: أصيب بالدهشة والذهول ـ تفاجأ وركن
- انبلش: انشغل
- انبهت: تحير،صوابها بهت
- انبلف: انغش
- انتايه: تحريف انثى
- انتخى الرجل: ثارت فيه النخوة والمروءة
- انتزع: تخرب وتعطل
- انتفش : افتخر بنفسه
- انتقز: جفل
- انتقع بالماء: روي بالماء وتبلل
- انتلى: تحريف امتلأ
- انجلق الصبي: أبدى الكثير من ضروب الوقاحة في السلوك وقلة الحياء
- انحاش: أمكن الإمساك به ومنها تحوش ويقال ( غير رزقك ما بتحوش ) تمسك او تحصل
- انخبص: فسد واختلط
- انخرع: فزع فزعاً شديداً ويقال خرّعوا
- انخزق : انشق
- انخش دخل إليه
- انخض: انزعج وتكدر
- انخلع: لغة انتزع من مكانه
- اندار : تم توجيهه
- أندبوري : فقير جداً من التركة memdebour : كسلان ويقال في العامية ( نوري أندبوري )
- اندحشت: دسّه فاندس
- اندري : توزع بطريقة غير منتظمة
- اندهك : الرجل أتلفه المرض وتلفظ محلياً دهّك : حركته صعبة
- اندوش : اضطرب وانشغل بأمر ما
- انزرك المكان : أي ازدحم – الرجل ضيقة عليه
- انسطل : وقف ساكتاً فاغراً فاه بسبب الدهشة من أمر ما
- انشرم : انشق
- انشعر الإناء: انكسر وبقيت أجزاءه متلاصقة
- انشقع : وضع فوق بعضه
- انشلخ الغض : انتزعه فانشق طولاً
- انشلع قلبه : تمزق كمداً
- انطبش : ارتمى بقوة
- انطبل الحي بالخبر : أي سمع به في كل مكان مثل صوت الطبل يسمعه الجميع
- انجعى : استند إلى وسادة أو غيرها
- انعبط : تلبك بسبب المفاجأة
- انعمق اهتم وعمل لأمر معين
- انعقر : انجرح وتطلق على الدواب
- انفتل : برم ودار
- انفدغ : أصيب بجرح في رأسه
- انقرق : انزعج وتضايق
- انقطش : انقطع
- انقلع : ذهب وولى
- انكعر :طرد
- انعكم : لم يستطع السيطرة – خرجت الأمور عن إمكانيته
- انكمر : تغطى
- انمرط : انشق وتمزق
- انهرى الثوب : بلي اهترأ
- أهرم : شقي تعس
- أواعي : ألبسة وأمتعة
- أوباش : السفلة
- أوبة : جماعة أو شلة
- أوضة : غرفة من التركية oda
- أوعا : انتبه أصلها من الوعي
- أوم : قوم قف
حرف الباء
- بابوج : نوع من الأحذية الخفيفة غالباً للنساء يكون مزركشاً
- باتابوف : بطبف : سمين جداً من الفرنسية : patapouf
- باجوق : الفم الواسع المفتوح – يقال (فتح باجوقو) تشدق بالصراخ
- باحورة : مفرد بواحير : يوم من اثني عشر يوماً أولها 14 أيلول يزعم الأهالي بها على الأحوال الجوية للشتاء القادم من السريانية boaurto بمعنى الغيم الصيفي
- باخ : بايخ : زال بريقه وبهتت ألوانه : وتطلق على الشخص الغبي فاتر الطبع
- بازاري : مصنوع بدون إتقان من الفارسية bazari
- باسطون : بسطون : عصا مستقيمة و منحوتة بإتقان رأسها مزخرف ومطعم
- باشق : طائر من الجوارح أصفر العين أخضر الرجلين ويقال له في العامية (متل الباشق) دليل على سرعة الشخص وإقباله
- باطوس – باطوسة : حفرة مليئة بالماء موحلة
- بالوعة – بلوعة : مصرف المياه في الغرفة أو الدار ومنها المثل ( كل بيت وإلو بلوعة )
- ببو : طفل رضيع من السريانية bobouno
- بجم : رعاع لا يفهمون
- بحش : فتش
- بحتر : أنفق المال بغير محله
- بحبح : أكثر من الشيء
- بحش : حفر من السريانية boach
- بحلق : نظر نظرة حادة
- بخش : ثقب من السريانية bach
- من كل بد ّ : لا محالة ولا محيد
- بدري : باكر
- براطيم : الشفاه الغيظة ومنها : برطم : عبس وتجهم
- براهيم : اسم علم كنعاني صوابها ابراهيم وأصلها إبرام ومعناه الأب رفيع أو عال
- برباك : مبربك : مخادع
- براّ: خارجاً
- برّى : الدابة : اعدها عما يمكن اصطدامها به من السريانية bari - أبعد
- برزق : نظر بتفحص واهتمام
- برطع: تحرك حركة سريعة في موضعه: الحمار إذا عدا في مرح ونشاط
- بصبص: استرق النظر إلى النساء وفصيحها وصوص
- بطران: خال من الحس والمسؤولية
- بطّل : توقف عن العمل من السريانية
- بطل الزي: ألغي ولم يعد مستعلاً
- بعبع: كائن خرافي وهي لإخافة الاطفال
- بعزق: هدد وبدد
- بلعط: تحرك في موضعه غير قادر على الإفلات
- بعّق: تضعيف بعق أي صرخ وبكى بصوت عال
- بعق: صرخ : زعق من السريانية
- بغض: كره ومقت
- بغو: فج، غير ناضج من الثمار
- بغتة: فجأة
- بقبق: الماء أو الطبيخ غلي من الحرارة وصار يصدر فقاعات من الهواء
- بقجة: الضرة من التركية boghtcha : كيس صغير جداً
- بكرا: غداً
- بكرية: التي تلد أول بطن من أنثى الحيوان أو الانسان
- بلاس: نسيج من الشعر يتخذ بساطاً دخيل قديم من الفارسية palas
- بلا ضيم: شفاه غليظة
- بلش: ابتلى: من السريانية balach ضرب وضر
- بلص: خدع
- بلف: خدع وهي من كلمة bluff الانكليزية
- بلكم فلاناً : أخرسه
- بللكي ـ بركي: ربماـ لعل من الفارسية balkeh
- بلوة: داهية ـ مصيبة
- بندوق: المتهم في تشبه ـ خداع من السريانية bodeq
- بنوب: مطلقاً ـ بالمرة
- بهبط: الثوب واسع على الجسم
- بهدل فلاناً : عامله بما يحط من شأنه
- بهلول: الأصل بهلول: الأبله والمعتوه ومن لا يميز
- بوجق: صرخ بصوت عال
- بوره: الأرض التي لم تزرع ولم تعمر والصواب بور . قيل انها من السريانية bouro
- بوز الفم ولا سيما في الحيوان : قبل من الفارسية bouz ومنها جاء الأقوال الشائعة في العامية ( بارم بوزو ـ يسلم لي هالبوز )
- بوطس: لم يتسنى لصاحبه بيعه
- بومر: وضع معدل السرعة في وضعية عدم الحركة مأخوذة من الفرنسية pointmort
- بيبت: آوى
- بيدر: الموضع يجمع فيه الحصيد ويداس بالأرجل أو النورج
- بيناتنا: بيننا من السريانية baynot : بين
- بلوق: من الأبلق نوع من الكلاب مرقط الرأس
- برهجانة: رقيقة
- بنوب: ولا مرة
- بربر: تحدث حديثاً غاضباً غير مفهوم
- بلط: للرجل حضوره ثقيل.
حرف التاء
- تاري : بيد أن
- تبت : تمسك
- تبحتر : تنعم
- تبشلل : استرخى ، ضعف ، لم يدر كيف يصنع
- تبغدد : عليه – تدلل وتكبر
- تبقط الطعام : أكله ولم يهنأ به
- تبكبك : بكى بكاء متقطعاً غير حقيقي ، تذلل في كلامه وإمارات سمنته
- تبلبش : ارتبك ووقع في فوضى من أمره
- تبنية : أداة لكيل الحبوب والطحين
- ترتر : تحث حديثاً غاضباً غير مفهوم مترافق مع الرجفة لشدة غضبه
- تبلكم : لم يعرف بماذا يجيب
- تتريب : نقل تراب زراعي ، وبسطه على أرض قليلة الخصب ومنها التتريب وضع التراب على السطح بعض وضع الخشب لبناء البيت وهو أحد مراحل البناء
- تلبيس : خبيث وماكر
- تجحشت المرأة المطلقة : تزوجت تحليلاً لعودتها لزوجها الأصلي
- تجدب : فصحاها تمطى
- تجرص بين الناس : أي فضح وأهين وسقط مقامه
- تجوهر الجسم : صار صحيحاً نشيطاً مشتقة من الجوهر
- تحاشك معه : حشره وزاحمه
- تحت :سافل من السريانية toet
- تحرطم : تحطم وتكسر
- تحنتف : تباخل أو أظهر الشح
- تحندل: أي مشى بتثاقل أو مشى متوركاً
- تخمين : المظنون – ربما – يمكن أن
- تدبشن : خشن وغلظ وتصرف تصرفاً فظاً
- تدحكل : دحكل : تدحرج
- تدحوش : تقرب تقرباً مزيفاً
- تدخل عليه : توسل إليه
- تدردر : دردر : تبعثر
- تفرطع : تبعثر
- تنين : قبو تحت الأرض للماء غالباً
- ترويده : غناء جماعي صارخ قوي لأقوال محددة احتفالاً بمناسبة معينة كالزواج وغيره
- ترتح : تمسك بشدة
- تنكت : صرخ بوجه شخص آخر موجهاً إليه ألفاظاً قاسية
- تال : جانب
- ترم : وقت من الفرنسية terme حدّ نهاية
- تدندل : دندل : تدلى
- تدهدك :دهدك : خارت قوته
- ترازل : صدرت عنه أعمال الرذيلة
- ترس الباب : أغلقه بعنف
- ترس الوعاء أو الكاز : ملأه
- ترس : رذيل سافل – من التركية teres
- ترستق : رتب : ترستق الرجل : رتب هندامه
- تره : الندى الصباحي قبل ظهور الشمس – يقال :" زراع عالتري " بدون سقاية
- تزقم : أكل وتقال في معرض التحضير وتقال للحيوانات وخاصة الغنم حيث يقوم أصحابها بإطعامها عنوة بفتح فمها وإدخال الحشائش إليه
- تزلط : تعرى
- تزير : تضايق
- تسرسب : توهم وخاف
- تسطح : استلقى على ظهره
- تسلبط عليه : تعدى عليه
- تسلط : تعلق بالشيء
- تسودن : حزن وقلق أو أصابته نوبة من الغضب الشديد
- توسم : افتتن وسمر لبه
- تشارع الرجلان : تجادلا وتنازعا
- تشبرق : تزين وحسن من هندامه
- تشتش : ارتخى – تدلل – استرخى – الطفل بال أصابه الماء
- تشحر : تضرج بالشحار دليل المصيبة
- تشركل : سقط بتعثره بحبل أو مثله من السريانية charguel
- تشطح : استلقى بكامل جسمه على الارض
- تشعبط : حاول تسلق شجرة ضخمة او صخرة صعبة وتمسك بها محاولا عدم افلاتها
- تشقلب الولد : تقلب وتدحرج عدة مرات بحيث يكون راسه منكوسا الى الاسفل
- تشلبن : تزين وتجمل
- تشلطح : تمدد على ظهره
- تشلفط : التهب او تقرح
- تشلق الولد : تعرض للفح الهواء بكشف الاغطية عنه
- تشلوط : (شلوط) وهو مشلوط فصيحها تشوط
- تشليح : تجريد تعرية سلب اللصوص
- تشميط : مصدر شمط أي الاستئصال والانتزاع
- تشندل : اضطرب وتشوش ولم يعرف ماذا يصنع
- تشنشل : تعلق في الهواء تردد تدلى
- تشنطط : تسكع وعاش حياة غير مستقرة فهو ينتقل من مكان الى آخر
- تشهل : العمل قارب ان ينتهي أي قصر قليلا وارتفع
- تشهون : اشتهى
- تصرصر : أي امكن حزمه وضمه في صره- الرجل : انكمش خجلا
- تضبضب : تضاءل وانكمش وتراجع عن قول او فعل دخل في مكان ستره
- تطحبش : تكسر وتحطم
- تطربخ : مطرمخ تكسر وتحطم
- تطربش : تكسر وتحطم
- تطرطش : تلطخ أو تبلل
- تطقم : لبس ثياب الاعياد من التركية takweum كل ما يلبس
- تطوطح : تدلى تعلق بيديه وجسمه معلق في الهواء
- تعابط الرجلان : ضم الواحد صاحبه اليه وتعانقا او تماسكا بقصد القتال
- تعافش : تعارك
- تعبط به : تمسك
- تعبى : انتفخ من السريانية eteteabi يعني امتلأ
- تعتر : افتقر وشقي
- تعجيز : ازعاج شخص من التركية tadgiz من اصل عربي ولغة تصير الشخص عاجزا
- تعربش : تسور تسلق
- تعربط بالشيء: ملئ به وقبض عليه بحرص
- تعريب البضاعة : فصلها عما ليس من نوعها انتقاءها
- تعزل البيت : جرى تنظيفه او تجريده مما فيه
- تعزم : هيأ نفسه بحرص وشد من امره ليفعل كذا
- تعشيب : تنظيف الارض من الاعشاب التي نبتت عفوا في الاراضي المزروعة
- تعطل : توقف عن العمل
- تعنظر : بمعنى عنطز أي تكبر وشمخ بانفه
- تعنت : تعصد في رايه وكابر والصواب تشبث
- تعوق : تأخر
- تعوكر الماء : فقد صفاءه
- تغاوى : اعتنى بهندامه واناقته ليتظاهر بمرآه
- تغبش الزجاج : بمعنى غبش أي لم يعد شفافا
- تغرة : الفتحة في السياج ومثلها اصلها الثغرة
- تغشمن : تظاهر بالبله والحمق . كان غشيما أي جاهلا
- تغلبط : اخطأ في حسابه
- تفاول : تشاءم
- تفذلك : من فذلكه : أي تفاصح وتكلف الفهم والنباهة دون ان يملكها
- تفرج فلان : عى شيئ غريب لم يراه من قبل : رآه وتمتع بالنظر اليه
- تفرع : كشف عن رأسه او صدره فهو متفرع
- تفرطع : تبعثر وتفرق
- تفرعن : جعلن من نفسه فرعونا استبد وطغى
- تفركش : تعثر بشيئ فوقع
- تفريد النباتات ومثلها : نزع بعضها واقتلاعها لنمو النباتات الباقة نموا جيدا
وجاء في المثل قيم أختي عني وخود غلتها مني
- تغريعة : المرة : من فرع وهي نزع السترة وغطاء الرأس تخففا من اللباس
- تفسيد : الوشاية
- تفشفش به : نفس عن غله بالانتقام منه
- تفشكل بالشيئ : صدمه ، عثر من السريانية fachkal لوى او شبك
- تفضى للأمر : تفرغ له
- تفضفض : استراح وتوسع
- تفكون : تبادل ملح الطعام من الآخر – تبطر
- تفلحص : حاول التملص والتخلص من قوله
- تفاصر الرجل وشريكه : تقاسما حصتيهما من المال المشترك
- تقبى : ابتعد او حاد
- تقربط بالشيئ : تمسك به وحرص عليه
- تقرف ورق الشجر وأغصانه : انتزع عن الشجر فسقط بالضغط عليه
- تقريق : كذب كلام سخرية
- تقلعط : توسخ
- تقلفط : الرجل من الشيئ : كرهه وعافه وتأباه
- تقلقز : الشئ مال واهتز وتحرك
- تقلع فلان : ذهب بصيغة الامر – ذهب مطرودا
- تقله : شقلبة من التركية takla
- تقمر : سخن على النار واحمر لونه
- تقنبر : تكبر واختال من السريانية etganbar
- تكاون القوم : تقاتلوا بالايدي او بالحجارة او بالعصي
- تكاوين : صورة اجزاء الوجه
- تكبتل : تجمع وتدور
- تكبكب الشيئ : استدار وتجمع
- تكرتع : شلت يده
- تكردس : تكدس
- تكرسح : صار مقعدا
- تكرفت : سقط
- تكركر : تدغدغ
- تكعوك : الثعبان : تحوى حول نفسه
- تكة : لحظة
- تكلبن الرجل : تصرف بحرص وبخل وخسة ، مشتقه من الكلب والكلب شتيمة تعني الحقير والخسيس والبخيل
- تكمكر بثيابه : تلفف بها وتغطى
- تكمش : تعلق وتمسك
- تكوكع الرجل : نام ضاما يديه ورجليه الى حضنه
- تكى : مال من كثرة ثماره - وضع ثقله على مكان ما
- تكيف : كيف – سر
- تلاكش : لكشو – ضربه
- تلاوق : قلد كلامه معوجا فمه – استهزاء
- تلبك : ارتبك
- تلبيس : صفة الولد كثير الحركة وهي مشتقة من ابليس
- تلبيصة : الضيف الغير مرغوب فيه
- تلخبط : اخطأ
- تلطيش : توريه وتلميح بقصد الاساءة
- تلفان : خائر القوى
- تلقس الرجل : تأخر على الاخص في الليل
- تلقط : تمسك
- تلكلك : تلكأ وتردد ومنها ( الدم يلكلك )
- تمجلق : تكلف الجلاقة أي الوقاحة وقلة التهذيب
- تمختر : مضحاها تبختر
- تمخلع : تصرف تصرفات فيها خلاعة
- تمخمخ : من الشراب عبأ فمه به فانتشى
- تمخمض : تمضمض
- تمدى : انبطح على الارض واستلقى
- تمرمر : احتمل مكروها دون رضى من السريانية : صار مرا :etmarmar
- تمرمط : تعذب وشقي
- تمرفع : تمرغ
- تمزع : تمزق
- تمشكح : مشى بخيلاء
- تمعشق: عشق
- تمعمك : دلك وفرك
- تمغط: تمدد وتمطى
- تمقرع: سخر وهزء منه
- تمقطع:استغله وسخر منه واستبد به وطغى وتعسف
- تمقلس:استهزأ أو سخر من اليونانية KLEOS
- تملعن:تخبثن
- تملخ:تشقق
- تملع:تشقق وتمزق
- تموز : الشهر السابع من السنة الشمسية قيل أنه من السريانية tamoyz والمرجح أنه دخل من السومرية بتوسط البابلية ومعناه ابن الحياة والابن البار الذي يقوم ويبعث وكان هذا الشهر في الأسطورة مقدساً لأداء شعائر الإله أدونيس وتموز الإله : هو الملقب ( آدوني ) بالفينقية أي البدو والذي نقل إلى اليونانية بصيغة ادونيس.
- تهتر : سخر منهم تعامل معه بتعالي وتكبر
- تناغش المحبان : تحادثا بالرقة واللين.
- تناقر: تخاصم
- تنادق : مد بصره متلصصاً
- تنح : عنيد
- تنطنط : تنعم
- تنكرز :استثير
- تنمرد : طغى وتجبر
- تنور :تجويفة أسطوانية تبطن بخزف أو آجر يخبز فيها قيل أنها من السريانية tamouro من peut,moyr مكان النار
- تنوقص: اختلس النظر من ثقب الباب
- تنومس : استحى وخجل
- تنيح : استراح ، مات etetmiq من السريانية
- تني : الحيوان في عامه الثاني ـ غنمة ـ بقرة ـ ماعز
- تهاوش : الكلاب تنابحت
- تهبلن : تظاهر بالحمق والبله
- تهدى: الرجل تمسك بالشيء ، الطبخة وضعت على نار هادئة
- تهليل : غناء يرافق ترقيص الطفل وهدهدته في المهد لينام
- تهندم : الرجل دمث واعتدل
- تهور : فقد سيطرته على نفسه
- تهويش : المشاغبة والإثارة والتحريض
- توجهن : نافق وكان بوجهين
- تور : فصحاها ثور وهو الذكر من البقر ، قيل أن الثور من اليونانية tavros
- تورط : الزم بفعل فعل مرغماً عليه
- تونس : استأنس
- توهط : فلان في الأمر : إذا دخل فيه وبالغ بدون احتراز
- تير : انتحى معانداً واتجه اتجاهاً مخالفاً
- تيس : تصرف بجهل وعناد ( كالتيس )
حرف الجيم
- جاحوس : تصغير جحش ويقال للولد من باب التحبب
- جازف : غامر وخاطر
- جاقر : فلاناً ـ جادله وبين بطلان دعواه بلا حياء منه
- جاكر : عاندا مع النكاية والتحدي
- جايي : الآتي والمقبل
- جبّانة : المقبرة
- فج : بالغ وتأنق بلباسه ورياشه
- جرجر : تكثير جر من السريانية gazgar فصيحها جرر
- جرص القوم أدبهم : سمع بهم وأشهر عيوبهم ونقائصهم
- جرع : شجع وجرأ
- جرم اللحم : فصل عنه العظم ، من السريانية garem
- جعاري : الكلب البلدي من الآرامية gtar : صاح وحج
- جعر الشخص : صاح بصوت أشبه بالخوار ـ الثور : عج وهي من السريانية gea : صاح
جعص حاله : جلس واتكأ تكبر من السريانية gtas احتقر ـ الكبر والغطرسة
- جعك الشيء : دعكه وغيّر شكله
- جعلك الورقة : أفسد استوائها
- جعيفص : نوع عصفور صغير الحجم
- جعليه : قدر كبيرة لسلق البرغل
- جفاصة : سلك السلوك الجافي الغليظ
- جفجف ، اتجفف : أظهر الجفاء ـ أحجم
- جفي : غلظ ( عصاه هالجفي ) عصاه هالثخن
- جقجق : اللحم المسلوق : ارتخى والتصقت قطعة ببعضها البعض
المكان : اختلط ترابه بمائه فتوجل الشخص: رفع صوته بكلام فارغ واستمر فيه
- جقر : وقح ـ عنيد
- جقم : ذو كلام فج ـ شديد الاعتداد بنفسه
- جقحر: جادل بالباطل
- جكاره : نكاية وتحدّ يقال في العامية : ( جكاره في الطهار جخ باللباس )
جلبوط: فرخ الطير قبل أن يكتسي ريشاً فصحاه : النقف .
- جلّس : ـ العصا قومها ـ الشيء جعله مستقيماً
- جلّ : قطعة أرض صغيرة مرتفعة
- جناب : الانسان : أحرافه
- الحضرة : تعظيم ـ تفخيم
للمكان : جانبه
- جنباطي : من يتفق مع بائع ليزاحم المشتري بزيادة ثمن بضاعة فارسية وفصيحها الناجش .
- جنبط : الدولاب ، فرّغ منه الهواء
الرجل : أفلس
- جهجه : شعشع وانجلى ، لاح من السريانية gahgah : أضاء
- جوره : الحفرة المستديرة أو ما انخفض من الأرض قيا أنها من الفارسية gowdeh
- جوّا : والصواب جوا أي الداخل من السريانية gawwa
- جوي : اللحم ـ أنتن ـ فسد
أغاني وزغاريد من التراث الشعبي للزبداني
ميدان الحمرا ميداني
والرمح شبين الخياله
أنا اللي ندهت لبيّك
عاضهر حمرا اجاني
هوني يا سمرا هوني
وعالعجين عزموني
من فضلك يا أم فلان
عالتنور الحقيني
حبلاس مدور لمولي
أنا أخت العريس غنولي
جابوا خاتم للعروس
وليش الي ما جابولي
ميلي بخصرك ميلي
وعبي الاراكيلي
الله يديموا لبيّك
أمير العشيرة
ياهلا بالزين ألبوما أطيبوا
ياهلا بالزين وكل مين يقربو
ياهلا بالزين اسمالله ويخزي العين
يا بّيك لوين سايق مركبو
ياهلا طلو الحبايب ياهلا
بينوا الغزلان والسيف انجلا
يا هلا لو لفا بيّك يا هلا
لدبحلو كبش الغنم والحايلا (أنثى الغنم الصغير)
ارقصي يا فتاة الحي يا خزاعية
وبيّك يا فتاة الحي عامهرة رفاعية
أميرة يا بنت الشيخ
يا أم العصبة الميالة
بيدر بيّك من كبرو
احتارت فيه الكيالة
يا أسمر السمر يا معجون بالفضة
ويا آسي القلب إلي إيمتن ترضى
وإن كان أهلك وجيرانك سعو لبغضا
لأعمل أنا العبد وأنت السيد لترضى
إلك عين سودا تسري عالعرب يومين
ترباية الأجاويد ريتو ما يراهم ضيم
يلبقلك يا مليحة بدلة الألفين
وكرمال بيّك يا مكحولة العينين
تمنيت غني ولبيروت سمعوني
وصفّوا الكراسي وعالقهوات عزموني
والبوز ينقط عسل والزنود مبرومة
والوجه دورة قمر يشبه ثلج كانوني
بستان بيّك أربعين فدان
شورا وشورا والعنب جوزان
خصرك موجات البحور
ياروحي يسلم هالطول
وجك بدر وعينك نور
كل العالم عما تقول
عنك يا أشبهيه
يامن قشع مادنة عقيقع مبنية
وحجارها لما دنة حجار مطلية
حلفت هالمادنة بكتب شرعية
وحياة بيّك تميلي وتنحني ليّ
مساك بالخير يابو خصر رارنجي
ويا قصر عالي شبابيكو حدا المرجي
ونزلنا عالشام لقينا الشام مختلجة
والحج طالع وكل الناس بالفرجة
لا تطلعي عالجبل يا تركمانية
لا تطلعي عالجبل ملقى الحرامية
لا تطلعي عالجبل بيّك عكيد الخيل
تستاهلي القول مني يا خزاعية
يا بعد أمك شو بدي غني وشو بدي قلك
ماربت العربان ما ربت أمك
وما ربت العربان ريتك خليفة
ويا جرزة النما خضرة نظيفة
مبارك يا أم العريس إن شاء الله يتهنا
ويا بيو حمِّص قهوة ويا أمو جيبي الحنا
الي زمان بستنا لفرح قلبي وغنا
والله يخلي هالعريس تيدل الفرح عنا
ويا بو (فلان ) حمِّص بن ودير القهوة بنانية
الله يخلي هالعريس ما منو بسورية
رش الدرب حنه واليوم الفرح عنا
الله يخلي أبو العريس تيدوم الفرح عنا
وفلان يا شجرة بدار غاويها
شجرة عليّه ولا شجرات واطيها
شلوشها بأراضي البحر هي تنبت
وغصونها عند رب العرش حاميها
دار مدورة والرواء عالي
وتعبت عبيب من كتر الرجالي
صدر الدار مقعد للامارة
وكعب الدار مدرج للحمام
يا بعدي هالدار ما أحلاها
يحيى كف من بناها
حيطانها بالياسمين معربشة
جنيناتها تفاح يا محلاها
أنا بريد لهالعريس حمام جناحها صيني
تاكل وتشرب وتدور عالبساتين
أنا بريد لعدوه ألفين سكيني
من أول الصيف لآخر تشاريني
طابت ليالينا وعا صيت أهالينا
مارق عالبوابة أبو طقم العنابي
والسبع لو غابي يا بيّك يحمينا
هاللي بدو يلم زهور يتفضل عاوادينا
الله يديمو لبيّك وبسيفو حامينا
يا زارع بستان الفل
أصل الشتلة من عنا
الله يديمو لبيّك
أغلى منو ما عنا
لمين هالخنجر
مشكول بالزاوي
ها لخنجر لخيي
هالشب وها لغاوي
تستاهلي يا عروس ألفين فدان
يا ورد جوري قلو عالخد بستان
حوطتك للنبي من نسل عدنان
أنت الاميرة على جمع وربعان
نخ الجمل قومي اركبي يا نايفة
الخيل تعبت والرجال الواقفة
حلفت ما بتركب ولا بتعلى الفرس
ليجي أبوها كبير الطايفة
كذب مين قال طيري ما وقع بشراك
وقع بشراك وانت شو دراك
مكتوب عاصرتو قهوة فناجيني
ودكة القصب تلطخ عالأوراق
على دلعونا وعلى دلعونا
البيض بيجرحوا السمر يداوونا
عرفتيني شايب ليش أخدتيني
لكتب كتابك عاورق تينه
واجعل طلاقك بين الكروما
ياأم الشاشية حرير نباتي
حمام البري وين بدو يبات
الله يقطعكن عشب البنات
تنين تلاتي بيخربو الكونا
ياغزيل يا بو العبا يا هاوي يا معزبا
يا غزيل يعني ويعني يا بن عمي طاوعني
يا غزيل يابو غزيل لرعى النقل وبأيل
هاتو الجمل لنشيّل ونلحق عشير الصبا
يا غزيل رايح نوى يا غزيل جاي نوى
وانقطع حبل النوى
طلبت المي جابتلي مخلل
وبان الدق عالصدير مدلل
وأنا لصادقك يا ولد مدلل
فك الكيس واعطينا دهابا
انزلي واتهللي يامرت هالغالي
لا تستحي لو لبستي كل شي غالي
لا تستحي من الحرير ولو لبستي لو
تستاهلي من المال متقالٍ بمتقالي
بنت الكبار ويا علي تنزان بالميزان
كروانها من زمرد حبتو مرجان
ممتاز بوها يا علي خطوه بالقلام
مكتوب عاجبينها ماتاخد الأندال
عريسنا يا عود الخيزران يا سبع
ما خابتمك ياللي جابتك ياسبع
ما خابتمك وريتك خليفة
يا ريت رزقك وعمرك متل راس النبع
عاشر الأجاويد منهن تكتسب وتنال
ويعد لو محملك بنيانهن لو مال
ما قلتلك يا قلب لا تعاشر الأنذال
تطلع خسران لا مكسب ولا رسمال
قال البنفسج أنا سلطان برية
عرقي صغير وريحة طيبة فيي
أنا قتيل واحد ماني قتيل ميه
أنا قتيل الحلق تحت العبيدية
هالعريس واخوتو ماألهن شمتاني
صقرين هدو فوق برج عالي
إجا العدو يصطادهن مانالهن
رجع العدو ومتفكر حيراني
نحنا بنات عم العريس يادوبنا جينا
ومعودين عالفرح الله يهنينا
قولي لبي العروس يفرش ويلاقينا
ويزين الدرب لتمرق مداعينا
نحنا بنات الدير فلتحيا بنات الدير
نلبس حرير ونرخي كمنا شبرين
أي سجيع يدق بوابنا بالليل
نسبي حريمو ونخلي دكتو شبرين
نحنا بنات بيروت فلتحيا بنات بيروت
يا حاملات القرنفل قاصدة بيروت
وحياة من زين البستان بعرق التوت
السمر حلوين ولو كانوا عبيدو وسود
نحنا البنات نحنا خوخ بعناقة
تفاحنا السكري ا سعد من ضاقو
قولو لجوز البيضا يبرد خلاقو
بات اللبن بالصحون ماحدا ضاقو
نحنا البنيات نحنا نفج الغالي
نحنا اللي ما ربي متلنا تحت السما العال
يا كايل البن هات المد وتعالي
نخخ جمالك وجمل بنا الغالي
يا عريس وتحت فيّ اللوز حلقولك
وولاد عمك عالصفين وقفولك
جابو الحرير وإجو حتى يقيسولك
طلع قصير وما قدرو يقولولك
يا حب غيرك من بقى يحلالي
يا شفيفتك كما العقيق بتلالي
ربوك أهلك بدلال
ما قال المتل طير المربى الغالي
يا بعد عيني صلحي العربين بفعالك
بو زيد عمك وسبع الفلا خالك
قومي بكير قضي كل أشغالك
بدار عمك والله يكتر بدارك
يا جوز ماميلك نسمات غربية
يا بلح ما دوبك رشوك بالميه
لا تقول يا حبيبي خاست تمانك
يا سعد ياللي اشترى بألفين ربعية
يا بو فلان طال عمرك طالي
يا مهرتك تشرب من الليطاني
يامهرتي ترعى الربيع على الندي
يا صفرتك ما حطها سلطاني
يا فلان واسمك بالسما مكتوب
إنت التريا وتضوي عاجبال السود
وحياة من حنن الوالد على المولود
حسنك سباني وخلاني برق العود
يا نجمة إلك بالسما إلك وحدك فقط
يا زباد الحج من بوزك نقط
يا دهب موزون موش عاوز وزان
يا كالخ القبان عالأربع فقط
يا فلان ويا جبن اللي بيتعصر
يا ورد جوري ومرشوش عليه سكر
اللي معو مال يا خدمتلكي وأكثر
واللي ما معو عالزينات يتحسر
يسعد مساتك ياللي ما حدا مساك
لساك عالعهد ولا غيرنا نساك
لو قطعوني بحد السيف ما بنساك
عشرة قديمة متربي أنا وياك
يسعد مساتك ويا تفاح مليسي
ياللي جلبتك من أرض الشام عالكيس
ندر عليي وأن جلست مجاليس
لا رقص وغني وحط النقد من كيس
يسعد مساتك يا مشمش على الأغصان
ياللي زنودك تلالي من ورا القمصان
لحط راسي عازند الظريف وبنام
وبحلف الضو ما يطلع لتسع نعام
يسعد مساتك ياللي تفكلك بالعرض
إنتي إلك مرتبة وغيرك ينام عالأرض
وحياة من خلق الدني بطول وعرض
إنتي حبيبي ولو خسف السما عالأرض
دللي يا نور عيني دللي
وفاطمة الزهرا جلوها لعلي
يابعد عيني والمراتب عاليه
كرمال بيك وين ما ردتي انزلي
بنوف الحلو صار عليها ضرب سيوف
الله يديمو لبيك صحب الشرف والناموس
رقصي يا شمعة وميلي
يابنت شيخ القبيلة
ون كان بيك قبالك
آه ياديني وآه ياديني
ونحنا ربع السلاطيني
الله يديمك أبو ( ....)
يسوى كرى وملايين
نحنا جايين من بعيد
على صيت الأجاويد
الله يديمك أبو (.....)
ياجيد و يا ابن الجيد
يا دار منلك هالجود
قالت عن أبى وجدود
يرحم بيك يا هالدار
يرحم بيك والجدود
الله يديمك يا بو (......)
أيش ما طلبنا بتجود
يسعد مساك ياللي لابس الكردان ( الكردان: طوق الذهب )
يا فرخ طاووس بأرض الفلا ربيان
شبهت خمرة خديك ورد عالفنجان
تسقس الحي وأنا بمنزلك عطشان
يسعد مساك ياللي من الحرير لابس
تمك ملبس وجواتو عسل كابس
ليش ما منيتي من يمّنا عابس
يضحكلك الورد لو كان الورق يابس
متلك ما جابوا لو احتنوا وشابوا
ولو طلوا الدايات بإيش ما رادو
عمرّي قصوره وديري بوابها صوبي
لابسات المحاشي فوق مشروبي
سوسحتيني يا قمر بالله التفت صوبي ( صوبي : نحوي )
وجهك مدور طمنطعشر (18) مدينة فيه
يا باشة الحج والسنجق منطق فيه
وبتغيم الغيم يا نور العين وبتشتي
بتنزل على البحر وبكرسي المراكب في
يا بعد عيني ويا مشمش على الأغصان
وياللي زنودك تلالي من ورا القمصان
لحط راسي على كتف الظريف وبتنام
وبحلف الضو ما يطلع بألف عام
قال الجوري أنا سلطان كل الدهر
شوكي سلاحي أخدت المملكة بالقهر
وبغيبكن سنة وبحضر عليكن شهر
وروايحي بمقامكم طوال الدهر
إلك عين سوده تسبي العرب سنتين
وترباية الأجاويد ريتو ما يراهم ضيم
ويلبقلك بدلة الألف والألفين
وكرمال بيك بغنيلك يا مكحولة العينين
متلك ما ربي بقلعه إبن عنان
ولا حسين المسمى صاحب الصيوان
متلك ما ربي ريتك خليفة
أحلى من الشمس بتطلع عاسائر البلدان
ما قالوا نحنا السمر متل الخوخ بعناقو
يا ريتنا عسل يا سعد من حناقو
يا مين يروح لجوز البفيه ويبّرد خلاقو
ويقّلو اللبن بالمخامر خمخم وما حدا ضاقو
الله مع السمر ولو وقفوا بباب الدار
يضو على البيض لو كانوا بزي قمار
نزلوا على الشام حتى يتمنوا الأسعار
لقوا كل نقطة عسل بنسوى من اللبن قنطار
غيب يا قمر من السما حبّي أخير منك
واللي ضوى من جبينو يا قمر ضوى منك
والله يا حبيب القلب لو عطوني خزاين الأرض بسنك
مش ممكن قول إيه يا قمر ولا بطلع عنك
أمثال وأغاني منطقة جيرود
إجى من البرية وأخذ الأولية
يضرب هذا المثل لشخص يستولي على أملاك ما أو يتغير حاله بسرعة وفجأة ...
مكتوب على ورق الخيار اللي يسهر الليل ينام النهار
لا حاجة لشرحه
زيوان بلدك ولا قمح الغريب
يضرب هذا المثل لتفضيل الشيء المعروف على المجهول والمجرب على غير المجرب وعادة ما يقال لمن أراد الزواج من فتاة من غير بلده أو ربما شراء شيء من خارج بلده رغم وجوده في البلد .
أمثال وأغاني منطقة يبرود
يسمى شهري كانون الأول و الثاني بـ (القلندس و الدنوح) و يقال المثل التالي عنهما (في القلندس و الدنوح لعند جارك لاتروح و إن رحت لا ترجع و إن جيت لا تروح) لوصف شدة البرد في مدينة يبرود خلالهما
لا تعاشر ظنان و لا تاكل عند منان
خود الرجال على تدبيروا و لا تاخدوا على كثر مالوا
لا تحط اللبني على اللبني ولا النص على النص
اذا ضبضبت عشيي شفلك مغارة دفيية
ما شفناك ياسنون حتى بقت العيون
هين فلوسك ولا تهين نفوسك
اشتري و بيع و اسمك لا يضيع
شو طلعك عالبال ياسفرجل كل عضة بغصة
الحق البوم بيدلك عالخراب
خود اسرارهن من صغارهن
الأرض الواطيي بتشرب ميتها و ميت غيرها
ساقية جارية و لانهر مقطوع
لا تقول فول حتى يصير بالمكيول
مالك أب مالك رب
اذا جن ربعك عقلك ما بينفعك
ماحدا بينادي على زيتوا عكر
ثلم الأعوج من الثور الكبير
شرط بالقلي و لاقتال عالبيدر
هات شمس و خود تنابل
امشي بجنازة و لا تمشي بجازة
لا تعاشر ظنان و لا تاكل عند منان
سلامة الانسان بحلاوة اللسان
فقير و بيمشي مثل الأمير
كثير الكلام ما بيلحقوا إلا الملام
الفقر بلا دين غنى كامل
شابت لحاهم و العقل ما جاهم
تعليم الأحمق مثل علاج الميت
ضربت المعلم بالف و لو شلفها شلف
عرف حنا قدومه
أمثال و كلمات غريبة قرية راس المعرة تابعة لمنطقة يبرود الأمثال الشعبية: . أما بانسبة للأمثال فإنها تعبر عن مكنون الأُمة وعن تاريخها وأصالتها ولا تكاد تخلو أُمة من أمثال تحضها وهذا ينطبق على المكناطق والبلدان ومن الأمثلة الخاصة بالبلدة : ـ ريهّ بنيسان بتسوا السكة والصند والفذان :وهذا يدل على أن نزول المطر في شهر نيسان تعادل فلاحة عدة مرات. ـ هربنا من الدب وقعنا بالجب :وتعني الهروب من مصيبة والوقوع في مصيبة أكبر منها. ـ هلي بيستحي من مراته ما بيجي صبي: يعني أن عنصر الحياء بين زوجين ينبغي أن لا يكون موجوداً. ـ خلي القرامي الكبارآّذار:ويعني أنه يجب على المرء أن لا يفرط بالحطب الكبير ويوقده في شهر آذار يتصف بالبرد الشديد بل يجب عليه أن يوفره لهذا الشهر. -الما ريحتو بصل ما حدا بيشمو: وتعبر عن أن الإنسان السئ تنتشر سمعته السيئة بين الناس. -اللي مالو شغال بكيل رطال: وتعبر عن أن الإنسان الذي لا يعمل يمكن أن يشغل نفسه بأعمال لا فائدة منها. -اللي بياكل دبس بعلق بدقنو:وتعبر على أن كل إنسان يحاسب على أفعاله ويتحمل مسؤلية أخطائه. -قالّو رافقني و بغنيك قالوا دشّرني و خليني موت:يعبر عن الاستغناء عن الانسان السيئ -إذا انسمت عليك كول و بحلق عينيك: و يعن أنه عندما تُدعى للطعام فعليك تأكل حتى تشبع -رافق الجيد منو تستفيد ,رافق الجربان منو تنعدا
أما عن الكلمات المتداولة والتي تخصها دون غير فهناك الكثيرمنها ومعظمها أصله من العربي الفصيح ونذكر بعض من هذه الكلمات : ـ قرمية:وتعني القطعة الكبيرة من الحطب. ـ شنعوفة :وتعني غصن الشجر الصغير اليابس. ـ كندوج:وهي وعاء من خشب على شكل متوازي مستطيلات له فتحة في أسفلهوتقوم بحفظ الحبوب. ـ شلفون:الطفل. ـ بيش:وهو الحفرة الصغيرة المخصصة لوضع جذور الغراس ثم يتم طمرها. ـ طلمية:وهي رغيف من الخبز صغير وسميك . ـ وهي قطعة من الخبز . ـ شبابة: وهي السندويشة . أما عن الأغاني و الأهازيج الشعبية فقد كانت تسمع في المناسبات و الأفراح و التي كانت تعبر عن الكرم أو الرجولة و الشجاعة أو الفكاهة أو الغرام فمن الأهازيج التي تعبر عن الكرم: ايها معجن أبو عبدو ثمان ترطال وزناتو ايها يا بإشة الشـــــام ما نقلت قماشاتو ايها السفرة اللـــي مدها بدياتو ايها أكل الأمارة و لحشْ الخبز عاداتو
و من الأهازيج التي تعبر عن الرجولة:
كم راس قطــــــــعنا و كم جثـــــــــــة رمينا
بالهوج و المـــــــــــــــوج و ضرب السيف خضناها
نحــــــنتا و نحـــا من سود اللمى نحنــــــــــا
نحنا الصـــــــــــــــــقورة ولو قصـــــــــت جوانحنــا
قلــــــــــعة بـــعلبــــــــــك بــــــــعون اللهِّ مـكناهـــــا
بالـــــهوج والـــــــــــموج وضرب الـــسيف أخذناها
يا هر كلة رحتوا مداعيس جتكم عواج الطواقــــــــي
خيالنا بألف خيال هـــــــو والما يصدق يلاقــــــــــي
ومن الأهازيج التي تعبر عن الغرام:
شعرك طويل أحب النوم في ظله أحلف يمين الشتاء والصيف ما حلــو
راح أوك لعند الباشا وبين لــــــو شعرة من البيض تسوي عسكر وكللو ومنها أيضاً:
جتني تتمايل هي وما هي حطت بقلبي (12) دزينـــــــنــا
قلبي بحبك يا معراويـــــه يا منى قلبي ويا نور عــــــيونا
جتني تتمايل ورا الشبـاك بنية صغيرة تحب الـعـــــــــلاك
قومي يابــــــنت أنا واياك خلي البرغل لأهله يجرشـــــونا
بنيه يا بنيه لمن اجـــــيتك لبست المطاطة وشروال الزيتي
ندراً عليَّ إن جيتي لبي لذبح لك كبش بأربع قرونـــــــا
ومن الأهازيج في الأعراس:
حـــلاق حلاق ما بدي أنا وصــيك واحلق لي لزين المعاني رنباً يخليك و احلق لزين المعاني كــــرامة بيو و شو ما طلبت يا حلاق بعـــــطيك
و منها أيضاً:
يا عريس مبارك كل شــــي تلبس من الحرير للديباج للأطـــــــلس و نماركت على خيّك على بيّك لا تعبس يضحكلك الورد يتبـــسملك الرنجس
و منها:
يا عريس تحــــــــت الجوز حلاؤولك وولاد عمك على الشهبا يشدّولك وحيات عمرك و عيري ما استعرنالك و من أمح بيّك على عرسك نفأنالك
و عن الغناء للعروس:
يا عروسي لبستك الأبيض و أطعتلك الوادي و اصطادها يا عريس لو كنت صيـادي
و اصطادها يا عريس مـــن أرنة حواجبها شمس الضحى طلعت من صوب بغدادي
و منها أيضاً:
عروسة ململمة ماحلـــى معانيها يا ديدبان اللــــي على إمّو يناغيلها لكنها عروســــة صغيرة اشلكون فيها هيّ بنت عمي و باركلي النبي فيها
و منها:
يا عروسة من العــــــــوج للعوج
حيّا الله بنات العـــــــــــــوج
ما نلبس إلا الحرير الناعم المطعوج
و نقدّر الله رخينا سوالـــــــــف عوج
و يا سيف بيِّ عارآب العدا بيــــموج
ومن الأهازيج التي تقال في اللأحزان: لروح للمصبغة واصبغ أنا عقالـــــــي وأقول يا مصبغة فارقت أنا الغـالــي ما كان بخاطري ما كان ببالـــــي إنك تزيد الجفا ويتشمتوا فـــــيَّ ياعين حاجي بكي ياعين حاجي دموع يا عين يكفي كبا صار القلب ملدوع ندراً علي صدق إن صار رجـــــــوع لعمل فرح وافرش طقوم مـــعراوية لروح عالمصبغة واصبغ أنا ثوبـــــي واقول يا مصبغةعا الفراق محبوبي يحرم علي الفرح والدق بالنوبـــــــــة ما زال حبيبي عزب وبظل أنا بنـية
ومن الأهازيج التي تدل على الفكاهة: جوز المليحة نصب خيمة وعلاها جوز الشنيعة هـرب عالشـــــــــــام
ومن الأكلات الشعبية هناك أكلة المجدرة وهناك العديد من الأهازيج التي تعبر عن الإعتناء بهذه الأكلة وتأتي على شكل فكاهة : قلت الذي يشفي مخاطر علــــــتي شيئ وحيد هو صحن مجـــدرة توني بها وحياتكم فتقودنـــــــــــي روحي وأصبح بالحقيقة عنترة توني بها صحناً كبيراً عامـــــــراً والأمر أفضل إن أتت بالطنجرة توني بها بالزيت أم باللحـــــــم لا فرق بشــــرط أن تكون مدردرة دعو الدواء مع الطبيب بعرضكم إن الأطبا والدواء الزعــــــــبرة
و من الأهازيج التي تحث على الحصاد:
يا أمّاني ريتك بور ريتك مرعى للزرزور
قام بجمع هذه المعلومات كل من:-الأستاذ و الباحث محمد محمود شريف الرفاعي و مدير المركز الثقافي في بلدة رأس المعرة محمد خالد الرفاعي
أمثال وأغاني منطقة ضمير
أمثال شائعة في ضمير
يا بو واحد يا بو ماش والدنية ضاعت ببلاش (ويُقصد به ضرورة الإكثار من إنجاب الأولاد حفاظا على الثروة)
يللي بيجي من الجبل بيحمل معه حجر (ويُقصد به ضرورة أن يُحضر الغائب معه هدية مهما كانت بسيطة)
جاية من البرية واخذ الأولية (والمقصود به ذكاء أهل الصحراء)
الميه مالحة والوجوه كالحة (تعبيرا عن ملوحة الماء والجفاف في ضمير وصحراوية جوها)
الضميري حزّار اللبون (وهو ملخص لقصة جماعة من الشباب الذين ذهبوا بحثا عن الكمأة في البرية فلم يتمكنوا من إحضار الكثير ولكن هذا الأمر كان شائنا بالنسبة لهم فوضعوا بعض قطع اللبن -الطين المجفف - في الكيس ومروا أمام رجال يجلسون على حافة الطريق فتراهن الرجال أن ما في الكيس ليس كمأ بل لبن)
عجاج الماطرون ولا ربيع بلودان ..
اللي بيعرف بيعرف واللي ما بيعرف بيقول كف عدس (وهو يروي قصة فتاة وقفت تتحدث إلى شاب قرب محصول العدس فشاهدهما أبوها فطارد الشاب الذي حمل معه حفنة عدس ورما أبو الفتاة بها فضربه الأب فراح الناس يقولون ضربه من اجل حفنة عدس فرد الأب قائلا هذا المثل)
الحمل غوى والولادة شمة هوى وتربية الولد مع طلوع الروح سوى (تعبيرا عن مدى صعوبة ومشقة تربية الأولاد)
مثل طرطار الطاحون لا بينعّم ولا بيخشّن
كنّس بيتك ما بتعرف منو بدوسه وغسّل وجهك ما بتعرف منو ببوسه (كناية عن الاهتمام بالنظافة)
كنّس وموش حواليك ما بتعرف منو بيفوت عليك
بيت كبير وحجاره حمر وجواته جوع بيقصف العمر (المظاهر خداعة)
قامت الخيل لتنحذي مدّت الفارة رجلها
مركب الضراير سار ومركب السلايف غار (كناية عن اتفاق الزوجتين واختلاف زوجات الإخوة)
المطر السكوتي بيهد البيوت
الرجال في البيت رحمة حتى ولو كان فحمة
قلبي من العجور منجور
المنحوس منحوس ولو علقوا له فانوس
المسعدات كثار بس المعثرات بيسدوا عين الشمس
وقعت الفارة من السقف قال لها القط باسم الله قالت له إذا اسلمت منك أنا بألف خير من الله
عطيتك تختي ما عطيتك بختي
احترنا يا اقرع منين بدنا نمشطلك
عيّب الدست عل المغرفة قال لها يا سودة يا مقرفة
اللي بيحمل يحمل واللي ما بيحمل يرحل
الجار القريب ولا الأخ البعيد
لو شاف الجمل حردبته لوقع وانكسرت رقبته
اللي ما ذاق الغلاية ما بيعرف شو الحكاية
الحكي إلك يا جارة اسمعي يا كنة
يللي بيشوفني بعين بشوفه بثنتين
الله خلق الاخين وخلقلن طبعين
شبدي أتذكر من السفرجلة غير كل عضة بغصة
زيوان البلد ولا قمح الغريب
إذا نصفني الدهر يوم اسود ويوم ابيض وإذا ما نصف كل الليالي سود
البواب مغلقة ع هموم مفرقة
باب كبير ما له حلقة وأهله بتجوز عليهن الصدقة
المعثر حتى لو ركب ع ظهر الجمل بيعضه الكلب
حط إصبعك في عينك مثل ما بتوجعك بتوجع غيرك
صديقي اللي ما نفعني وانا حي شلي فيه عند ردات التراب
لا للكيف ولا للضيف ولا لغدرات الزمن (وهو كناية عن ان الزوج او الزوجة لا تصلح لشيء)
الأهازيج الشعبية
مواويل من ضمير
العتابة من صغر ما هيش صنعاي .. تسوي من حلب لبلاد صنعاي
وردتين اللفتحو عالخد ما هنيش صنعاي .. عليهم وشم من والي حماة
مريض وعلتي واحد واربعين .. بحيث الولف من يمي وربعين
يا ولفي إلك من جسمي ثلثيه وربعين .. ضحية لأجلك يا أغلى الاحباب
يا إمي فراق خلاني تعبناي .. عن دروب الجهل يا خلي تبناي
حسّبتك يا ولف تبر تارنك تبناي .. خفيف وتطير من نسمة هوا
هلا بالشرّف المنزول والدار .. ريقه يشبه الياقوت والدر
وحق اللي خلق الزبد من الدر .. انتو عزاز عيني ع المدى
قنصت الصيد بِرْجلّ السهالاي ودمعي .. ملّن غدور السهالاي
ثلاث نوبات ابو جديلة سهي لي .. وصار العف مني والحياي
يا طارش روح لحبابي وانا لهم .. وكيف الضيم يلحقهم وانا لهم
إن سال السيل يا حبابي وانا لهم .. سنودٍ ع الذواري والنياب
وليفي ع المدى ما حسنت اعوده .. وخايف في ضميري شك عوده
كفى يا غايبين عن الدار عودن .. ما عاد القلب يتحمل مصاب
يا عنز الريم لسه ما وردتن .. وفات القيظ كله وما وردتن
ولذكرلك غدير ومي تردين .. من العاصي لجرّيلك مياه
على قلبي يا خلق الله كثير حساب والهم .. وبيدي لسحن الزرنيخ والهم
متى تلفون يا شيالة الهم .. تشيلون الثكل واحنا عفا
يا قلبي ما يحب البخل والشح .. ولا يقنص فراخ البوم والشوح
يا هل تركظ ورا العفنات وتشوح .. صابك مثل طرّاد السراب
لها غطة شبيه الظبي بالنوم .. وعند الشمس قب وانتحى
يفز القلب لا قامت من النوم لأم العين الذبلانة من النوم
وعند الشمس قب ولا يوالف .. على القناص دوم ولا يوالف
وأومي له بيدي ولا يوالف .. وقوطر وانحرف بفجوج الخلا
يا ريمات العوالي يا خلق الله صبّحن .. ذهب حجل المزريف صب حنا
يا إم سن الذهب ما بين عظماي .. وهواك دق لحمي فوق عظماي
وحق البيت واللي بيه عظماي .. لعشرة غيركم مالي غنا
ابات الليل ع الخلان ادوّر .. حزين وف بلاد الناس ادوّر
ساعة انام وساعة اقوم ادوّر .. وساعة اقول هون كانوا الحباب
قوم احمسها وزيّن حمسها يا السنافي (صانع القهوة) .. ونسّفها ع الجرن تنسيف
ليالي الهنا يا اسفي عليها .. زمان اللي مضى ما عاد يرتد ثاني
أنا إن كثر مالي كل الناس تصاحبني .. وان قل مالي كل الناس عدواني
يا طالب النصر من عداك موت كمدا .. كطالب الشهد من نياب ثعبان
يا وادع السر مع من لا يصونه .. كوادع الريح في اكمام عريان
يوم ذاق صدري قمت ادير المعاميل .. خوفي عليهم لا يبدو بهم عار
وانلاعب المهباج ونهزعه زين .. بلكي يتونا من هل الكيف مسيار
ترى الرفاق مثل ذرْعٍ المكروب بالحيل .. اذا انفتق ما يصنْعه كل نجار
في حال فراق الأحباب
يوم فراق خلاني وبدالي .. وبدالي في محبتكو بدالي
وتفرّج عاد يا ثوبي بدالي .. على جسم نظيف وشعر ما بي
يوم فراق خلاني وجميلي .. لبسنا الثوب وحمّلني جميلي
انا لحلف دين دارك ما اجيلا .. لا يحني الظهر ولا يشيب الغراب
يوم فراق خلاني لواوين .. واللي دشّروا قصورو لواوين
انا يا حاملين النعش لا وين .. وترى عزرين خير ما سخا
يوم فراق خلاني حبلين .. على صدرها من المرجان حبلين
اسافي يا ملاح البيض حبلين .. ومن العفنين جابون الضنا
يوم فراق خلاني وسنوناي .. ولحم ضاني في المقلي سلوناي
بعد ما كنت أنا الغالي سلوناي .. وزتوني عتيق من الثياب
في حال فقدان عزيز
عجب تبكي وعجب تضمك عجب ليش ..
انا إن مت حطوني ع النعيش ..
وجيبولي كفن غز للحباب ..
في حال الفقر
بعد ما كنت عالي ع العوالي .. صبّحت الوج على بواب العوالي
بعد ما كنت أول صرت تالي .. صرت اطلب من الفاين عطا
اقتليني واذبحيني يا فلي .. وازرعي وردي على قبري وفلي
بعد ما كنت تفاحة بسلي.. بليت وكسّر غصوني الهوا
في اكرام الضيف
أجي لديارهم لأنهن يملون .. ومكاوي نار بقلبي يملون
وهالي من قبلها لا يملون .. يكرمون الضيف بسنين الغلا
في سفر الاحبة
حرام الورد يجرحني يا دلال .. وانا اللي مشيت ع دروبو يا دلال
دخيلك بس خبرني يا دلال .. حبيب القلب عني وين غاب
شرّق يا حمام الدير شرّق .. يا كل حبابنا صاروا مشرّق
انا لعوف هالديرة واشرّق .. واسكن ديرةٍ بيها الحباب
في هجران الاحبة
لسكن حماد التنف واورد على الخبرات
لاجلك حبيب القلب حتى يقولوا مات
لالبي شماخ الكفخ تايرجعوا الحباب
والله ان طال البحر مثل الشمع لذوب
هذول اللي بلايي من بلاهن .. وهدب العين ما يغفل بلاهن
احط الزاد وما ينزل بلاهن .. ضلّوا قبال عيني مصورين
في الفرح بترك الخطيب او الزوج:
وان هجرتني لهجرك .. وان رميتني لرميك
شمتّ فينا العدا ربك يشمت بيك
وان كنت خاتم ذهب .. من خنصري لرميك
واسكب عواضك تنك .. يلبق على ديي
في الصبر
يا نجاد شبّ النار وادني الدلالي
وسوي فنجان ما يقعد الراس
يا الخاب ظنك بالرفيق الموالي
مالك على الناس مشراك
انا وحيد واشيل الحمل لحالي
واصبر على مر الليالي والتعاسة
في الفراق
مثل الرميم خلوني على جال .. غدير وشح يا مية على جال
اتذكر عاد يا قلبي على حال .. الوطن والولف وفراق الاحباب
علوّا لو اني مع الصبيان مثلن .. وكل ما صار جيل اصير مثلن
انا ضيّعت ريم ما شفت يا ناس مثلن .. مكحّل راس هدبه بلا دوا
سريت بليل واهلي ما دورا بي .. قطعت جبال واكثرهن دروبي
لو اني ادري المنايا ع الدروبي .. قبل ما مشيت ودعت الاحباب
انا لطلع لراس التل وحدي .. واشوبش لنجوم الليل وحدي
بنات ضمير فين كل وحدي .. ترمي الطير من عيون السما
وجبل لبنان يا عالي الثلوجاي .. حبابي فيك وعيوني تلوجاي
شدّولي على الزرقا سروجاي .. لنلحق ضعنا قبل الغياب
صباح الخير يا محطة بياضين .. وسواد العين غالب ع البياضين
انا ما اسلاك لو شحوا البياضين واعور الدجال يظهر بالخلا
هلا بريم جيتي مقبلاي .. مثل الشمس ع العامل مقبلاي
يا كاس السم من ايدي مقبلاي .. ولا من غيركو كاس الهنا
سحت براس التل وودعوني .. غريب وما ادري باي ديرة ودعوني
كبيت وصاب راسي الودعيني .. عميت وما شفت ظعن الحباب
قال حبابي لو بعدوا عني لونهن .. الجفا والبعد غيّرلي لنوهن
علوّا يا منا عيني لونهن .. قراب ونجتمع الليلة سوا
في موسم الحصاد
على دلعونا ليش دلعتيني .. عرفتيني شايب ليش اخذتيني
لكتب كتابك ع ورق تيني .. واجعل طلاقك بزر الزيتونا
على دلعونا وعلى دليعاتي .. يضرب الشايب هوّ حكياتي
يبدي اغني وما ني غضراني .. حسي مبحوح من الرمضان
محبوبتي اللي اقبلت بالطول جلساني .. والثم خاتم ذهب والعين نعساني
ش حكيلك يا اهلي ع طول القمّاني .. والشوك مثل العقارب يلسع ايديا
محبوبتي اللي اقبلت بالطول بعرفها .. بدها تقوللي مرحبا لاحت بسالفها
والبنت اللي عنكو لا حد يخالفها .. ما شفتوها يا خلق مهرة رباعية
بالله يا خلق اشهدوا تايب لوجه الله .. عن الحرام ، بس عن المحبوب لا والله
يا طير يا معتلي ودّي سلاماتي .. على فراق الولف قلبي سلا ومات
ع عيون الخلق واقول لخياتي .. وانت صندوق القلب ريتك حلالي ّ
سرينا وما سرى العامر مع الليل .. وخدك الكوكب الساري مع الليل
اهل الفن راحوا معاليل .. مع الشمّخ طويلات الرقاب
جيت انهض ما عاد لي حيل على القوم .. وريقي صار بعد القطر علقم
انا لدخل عليكو يا هل القوم .. تردولي منكسين العصاصيب
يا بو شعر تجدله مرابيع .. وعقلي شت مع بيض المرابيع
يا ربي تلهم الدلال لبيع .. واتاجر فيكي يا ريم الفلا
حاصودي ماني حاصودي جيت اخم القرايا
بيد احصد وبيد القط وصدري يضم الصبايا
حاجي تمطر يا ربي زرع العفير رويته
لا هو فرس مع الخيل ولا هو كريم ببيته
قلبي يا زين معوّد الله ما بيني وبينه
أغاني الدبكة
وتصيح صابوني وتصيح صابوني .. مرّوا عليّ العدا وبالعين صابوني
لو قطّعوني شقف والواح صابوني .. ما أحيد عن عشرتك يا نور عينيّ
وتصيح يا محمود وتصيح يا محمود .. اربع جدايل شقر واربع جدايل سود
وتصيح ما جابت وتصيح ما جابت .. جابت انتعشر صبي والشمس ما غابت
حجت لذاك النبي حجت وما تابت .. ودقت ع صديرها وقالت انا البنية
يا بنية غاب القمر والضو جهجهلك .. قومي بلا مستحا روحي على اهلك
تعي من غرب البلد يا بنية اوجهلك .. اخاف يشوفوك حدا ويظن الردي بيّا
قامت من النوم تنده يا لطيف .. لاني مجنون ولا عقلي خفيف
من ورا التنور تناولني الرغيف .. يا رغيف الحلوة يكفيني سنة
قوم اضرب لي بالرمل يا مغربي .. شوف حبي بزعل ولا بهنا
قامت من النوم ترد الباب رد .. يا شعر الحليوة ترده ما ينرد
شفته للمزيون بكروم السقي .. داير ع ولفه ولا هو ملتقيه
يا عشيري الاولي صاير تقي .. بيده مسبحة يوحّد ربنا
قلتلا شاسمك قالت لي نايفة .. ومن كلام الناس ماني خايفة
يا غزيّل ع القنا اشرب تاقوللك هنا
يا غزيّل وان مت انا دوّر لك صاحبا
يا غزيّل ع التينة ياكل ولا يطعمين
يا بنية ذبحتيني من قولتك مرحبا
يا غزيّل على السد وعين الاعزب مسودة
بدي حبيبي بدي غصب ما هوش طيبا
يا غزيّل اسمه فارس ويتعلم في المدارس
الله والنبي حارس يحرسلي الحبيبا
يا غزيّل يعني يا بن عمي طاوعني
اصبعتي عم توجعني بدها خاتم ذهبا
يا غزيّل لا تغلها والسمرا لا تزعلها
والبيضا ظل اقتلها من الصبح للمغربا
يا غزيّل قُلُّه قُلُّه نرحل ولا نظلله
قضينا العمر كله بالشقا والكركبا
أغاني وأمثال منطقة عين منين
العجلة من الشيطان
طب الجرة على تمها والبنت تطلع لأمها
كل تأخيرة. وفيها خيرة
الجار قبل الدار
من جاور السعيد يسعد
صباح الخير يا جاري. أنت في دارك. وأنا في داري
إعطي خــبزك للخــباز --------- حتى ولو أكل نصــــــو
ما كل من صف صواني صار حلواني .
الحكاية ماهي حكاية رمانة الحكاية حكاية قلوب مليانة .
صار لدبانة دكانة وصار تفتح الساعة تمانية .
إلما عندو ختيــار كــبيــــر يشتيريلوا كبير
يلي مايطول الحصرم بيقول عنه حامض .
متل الزيتون ما بْيحلا الاّ بالرَص
قال يلي بيعرف بيعرف .. و يلي ما بيعرف بيقول كف عدس
زبال و شاكل وردة
حظ عطيني و بالبحر ارميني
يا مسترخص اللحم .. عند المرقة بتندم
زيوان بلادك ولاقمح الغريب
بعد الكبرة جبة حمرا
على اد لحافك مد رجليك
يا رايح كتر منايح
شو بدي اتذكر منك يا سفرجل .. كل عضة بغصة
جاية من البرية و بدو ياخد الاولية
رضينا بالبين و البين ما رضي فينا
حاكي قليل الاصل و لا تحاكي الصايم عند العصر
سالوا شعبان ليش ما بتجي بعد رمضان.؟؟ ..أللون كل شي بوقته حلو
صام صام و فطر على بصلة
يالي مآمنة بالرجال متل المآمنة بالمي بالغربال
وجع ساعة و لا مرض دهر
لا تركب حمارة و صاحبها بالحارة
قبل ما تحبل جابت كمون و قبل ما تولد سمتو مأمون
الملك يلي مو ببلدك لا الك ولا لولدك
دور الدورة ولو دارت وخود البنت ولو بارت .
من قلة الخيل شدو على الكلاب سروج
متل شباط ما على كلامو رباط
يا عيونو يا ادانو عالمغتسل بانو
اللي متلنا تعو لعنا
تلاثة ما بيتخبو الحب والحبل والركبة عالجمل
قلبي على ولدي وقاب ولدي علحجر
الدفا عفا والبرد جنون.
في كانون كن ببيتك يا مجنون
الدروة خير من الفروة.
الصيت لشباط والفعل لآذار.
آذار يقول لشباط: ثلاثة منك وأربعة مني، تخلي دولاب العجوز يغني /بمعنى أنها تنشط/ فيجيبه شباط: يابن عمي أربعة منك وثلاثة مني تخلي العجوز تشعل دولابها وتقضي حاجتها ورا بابها.
هوا الخمسان يشقق القمصان.
خبي فحماتك الكبار لعمك آذار.
إن أقبلت آذار وراها وإن أمحلت آذار وراها.
عقارب نيسان
مطرة نيسان تحيي الإنسان.
بأيار اقعد بين الورد واتذكر ليالي البرد.
إذا صارت ورقة التين قد رجل البطة نام ولا تتغطى.
برد الصيف أحد من السيف..
حصيرة الصيف واسعة.
بتموز تغلي المية في الكوز.
آب اللهاب
إذا خلص آب الصيف عاب
بين تشرين وتشرين صيف ثاني.
اللي ما شبع عنب وتين يشبع من مية تشرين.
اومي تنام ياقفة عظام ،ياحرقة قلبي على البض السمان . فترد الزوجة : حيد من طريقي يا دب العتيقي ياحرقة قلبي على الشب الرقيقي .
ياحسرة على الزمان يلي انقلب ، وانفختت فيه القرب ، الكلاب نصبوا صيوان والغزلان صفوا على جنب .