أمثال وأغاني حمص

From Reefnetwiki

فهرست ١ أمثال وأغاني حمص ١.١ أمثال وأغاني منطقة الحصن ١.١.١ الأمثال الشعبية ١.١.٢ الأغاني الشعبية

أمثال وأغاني حمص

أمثال وأغاني منطقة الحصن

الأمثال الشعبية

الله يرحم المتل ما خلا شيء وما ألو

على رأي المتل

زيوان بلدك ولا حنطة غريب

توب العياري ما بيدفي وإذا دفا ما بيدوم

الحجر يلي ما بيعجبك بيفدغك

لا تنام بين القبور ولا تشوف منامات وحشي

خبي ارشك الأبيض ليومك الأسود

لكن العنزة الجرباني ما بتشرب إلا من رأس العين

اللي بدو يصير جمال بدو يعلي باب دارو

أخر الطب الكي

على أد بساطك مد أجريك

هيمن مالك ولا تهين حالك

دنب الكلب حطووا أربعين يوم بالألب وضل اعوج

الجاجي اطعوا منقارها وما بطلت كارها

عشنا وشفنا

بكرا بدوب التلج وبيبان المرج

الحق الكذاب لوراء الباب

حبل الكذب قصير

سكوت عمي سكوت يللي بيعرف بيعرف ويللي ما بيعرف بقول كف عدس

كل الدروب تؤدي إلى الطاحون

معليش درب الكلب على القصاب

أعط خبزك للخباز ولو أكل نصو

ضربة المعلم بألف ولو شلفها شلف

دخان يعمي ولا برد يؤتل

البرد سبب كل عله

إذا بدك الأمر يهون عدو ما يكون

من تحت الدلف لتحت المزراب

كومة حجار ولا هالجار

فلان متل الحرقص دغري بيخلع باطو

الكلب ما بيعض أخوه

أنا وأخي على ابن عمي وأنا ابن عمي على الغريب

فخار يطبش بعضو

ما دخان بلا نار

يا ارض اشتدي ما حدا أدي

ما شجرة وصلت لربها

يللي في شوكه بضهرو بتنخزو

يللي ما بياكل توم ما بتطلع ريحتو

مين ما اخد امي بسميه عمي

فلان لا بهش ولا بنش

الشتوي بنيسان بتسوا السكة والفدان

خبي الارامي الكبار لأدار

بأدار طلع موئدتك لباب الدار

طب الجرا على تمها البنت بتطلع لامها

الأيد يللي ما فيك تعضا بوسا وادعي عليها بالكسر

ما حك جلدك متل ضفرك

ميت أم تبكي ولا امي تبكي

الفتحة يللي بيتجيك منها الريح سدها واستريح

لا تتدخل بما لا يعنيك بتشوف ما لا يرضيك

إذا كان حبيبك عسل لا تلحسوا كلوا

يللي ما بدو يعطي بنتو بيغلي نأدا

تيتي تيتي متل ما رحت وجيتي

لاقيني ولا تطعميني

مين اخد ورد ما بينرد

طول بالك طول بالك مفتاح الشر كلمة

الأغاني الشعبية

يلا ينام يلا ينام .......... لأدبحلو طير الحمام .......... رح يا حمام لا تخافو

عم غني لـ "اسم الطفل أو الشخص" حتى ينام

على تمك غنى وغنى .......... على تمك لون الحنى .......... يا ربي"اسم شخص" يكبر

ويجو ولادو لعنا

صحة صحة وصحيتي .......... يا ما أحلى يوم الجيتي

يوم الايجا "اسم الشخص" بيك .......... انبسط كلشي بالبيت

وباتت ستو ما تعشت .......... وكان عشاها بيض بزيت

يا شمس يا شموسي .......... يا حلوي ويا محبوسي

خدي سني اللبني .......... وأعطيني واحد تاني

رن رن يا جرس .......... عمي راكب عالفرس .......... "اسم شخص" راكب غزالي

سبئت كل الخيالي

بكرا العيد ومنعيد .......... مندبح بقرة السيد .......... والسيد عندو بقرة

حلوي ومعلوفي وشقرا .......... من لحما البيت نعبي .......... منشوي ومنعمل كبي

على الماني عالماني .......... قتلني وعاود راضاني .......... بضل بحبك يا اسمر

أن عشت وربي خلاني

الحصن دار السلام .......... فيك مربى الأبطال .......... ولي عندو شك اليوم

يرجع ويقرأ ماضينا

حجار القلعة من المقلع .......... معلم يلي بانيها .......... بانيها أبو العريس

يتهنا القاعد فيها .......... فيها صخور وفوقا قصور .......... يتهنى العايش فيها

مسا الخير مسا الخير .......... الله يمسيكم بالخير .......... نحنا دغري جيناكم

وبسرعة وعلى جنح الطير

يا دار السعد يا دار .......... عمران وتزيد عمار .......... عمران بابو فلان

بالدهب لأ مو بحجار

يا عويد الزيزافوني .......... دلالوك ما دلالوني .......... دللوك بلبس الحطة

حسرتي ما لبسوني .......... حسرتي ما حملوني .......... حسرتي ما ركبوني

لمين هالدار الواسع وعالي .......... وسياج دارو حبق وريحان

هالدار لابو فلان يطول عمرو .......... ياريت عمرو من حجر وصوان

يا بنية لاعبيني .......... تحت الفية والياسمينة .......... وان غلبتك لاخدنك

وان غلبتيني خديني .......... يا بنية آه منك .......... حلوى يخزي العين عنك

شعلتي قلبي بفنك .......... غيرك مين بطفيني .......... وغيرك مين يداويني

شابوش منك كتر الله خيركم .......... انتو الأمارة ولا أمارة غيركم .......... شابوش منكم يا أهل الناموس

شابوش منكم سيرتوا العروس .......... شابوش منكم جبنا احلى بنية شابوش منكن بتسوا ألف ومية

شابوش منكم وكتر الله خيركم .......... يخلف عليكم ما أمارة غيركم

نحنا نصول رزنا .......... سيف العدا ما هزنا .......... هني انكسر ناموسهم

نحنا ضلينا بعزنا .......... نحنا نفلح بأرضنا .......... وبالسيف نحمي عرضنا

هني اعتدوا يا ويلهم .......... ما بيعرفوا شو ردنا .......... نحن الزلم يا عمنا

كثر العدا ما يهمنا .......... بالسيف نفني رجالهم .......... للأرض يرخص دمنا

ردوا علي ردوا علي .......... خلوا الردي تكون قوية .......... يوم الشدة ما منهاب

الواحد منا يقابل مية .......... ردوا علي يا شباب .......... اسود سباع بوسط الغاب

والله في عنا شياب .......... قاماتن ما هي محنيي .......... ردوا يا أهل الناموس

نحنا اللي جبنا العروس .......... ما في مال وما في فلوس .......... حصني بستاهل حصنيي

ردوا عليي ماني سامع .......... هزوا القلعة هزوا الجامع .......... نحنا جينا مين يمانع

فلتحيا هيك شبوبيي