| اللباس التقليدي | المهن القديمة | الأكلات الشعبية | عادات وتقاليد | ذكريات | الزراعة | أمثال وأغاني شعبية | أهم العشائر | الألعاب القديمة | تسجيلات | آثار ضمير | أدوات قديمة | المساكن القديمة |
انقر هنا للاستماع إلى أغاني تراثية من ضمير (جزء1)
انقر هنا للاستماع إلى أغاني تراثية من ضمير (جزء2)
انقر هنا للاستماع إلى أغاني تراثية من ضمير (جزء3)
انقر هنا للاستماع إلى أغاني تراثية من ضمير (جزء4)
ذُكرت ضمير في العديد من المؤلفات القديمة والحديثة شعراً ونثراً ..
قال فيها المتنبي :
لئن تركن ضميراً عن ميامننا .. ليحدثن لمن ودعتهم ندم
وقد كان الشاعر المتنبي أول من استخدم لفظة ضمير بصيغة التصغير
وقال الفرزدق يرثي عمر بن عبد الله بن معمر التميمي وكان قد مات بضمير :
يا معشر الناس لا تبكوا على أحد .. بعد الذي بضمير وافق القدرا
ما مات مثل أبي حفصة لملحمة .. ولا لطالب معروف إذا افتقرا
و ذكر ابن منير الطرابلسي (الماطرون) وهو موقع في الطرف الشرقي من ضمير وهو من
شعراء القرن السادس عشر في قصيدة له:
فالماطرون فداريا فجارتها .. فآبل فمغاني دير قانون
ويروي ياقوت الحموي عن احد أدباء عصره انه قرأ على حائط بستان في الماطرون هذا
البيت :
أرقت بدير الماطرون كأنني .. أساري النجوم آخر الليل حارس
وذكر ابن قيس الرقيات الماطرون بعد ضمير :
أقفرت منهم الفراديس فالغو .. طة ذات القرى وذات الظلال
فضمير .. فالماطرون فحورا .. ن قفار بسابس الأطلال
وبالنتيجة فمن المؤكد أن هذا الموقع يقع شرقي ضمير وقريب منها بدليل وجود عين ماء
تدعى عين الماطرون تأتي مياهها من شرقي ضمير ، وفي شمالي ضمير يوجد نبع كبريتي يفج
في وادي عصيفير وهو صالح للاستشفاء من الأمراض الجلدية
"يا بو واحد يا بو ماش والدنية ضاعت بلاش"
(ويُقصد به ضرورة الإكثار من إنجاب الأولاد حفاظا على الثروة)
"يللي بيجي من الجبل بيحمل معه حجر"
(ويُقصد به ضرورة أن يُحضر الغائب معه هدية مهما كانت بسيطة)
"جيه من البرية وأخذ الأولية"
(والمقصود به ذكاء أهل الصحراء)
"الميه مالحة والوجوه كالحة"
(تعبيرا عن ملوحة الماء والجفاف في ضمير وصحراوية جوها)
"الضميري حزّار اللبون"
(وهو ملخص لقصة جماعة من الشباب الذين ذهبوا بحثا عن الكمأة في البرية فلم يتمكنوا
من إحضار الكثير ولكن هذا الأمر كان شائنا بالنسبة لهم فوضعوا بعض قطع اللبن -الطين
المجفف - في الكيس ومروا أمام رجال يجلسون على حافة الطريق فتراهن الرجال أن ما في
الكيس ليس كمأ بل لبن)
"عجاج الماطرون ولا ربيع بلودان .. "
"اللي بيعرف بيعرف واللي ما بيعرف بيقول كف عدس"
(وهو يروي قصة فتاة وقفت تتحدث إلى شاب قرب محصول العدس فشاهدهما أبوها فطارد الشاب
الذي حمل معه حفنة عدس فرمى أبو الفتاة بها فضربه الأب فراح الناس يقولون ضربه من
أجل حفنة عدس فرد الأب قائلا هذا المثل)
"الحمل غوى والولادة شمة هوى وتربية الولد مع طلوع الروح سوى"
(تعبيرا عن مدى صعوبة ومشقة تربية الأولاد)
"كنّس بيتك ما بتعرف منو بدوسه وغسّل وجهك ما بتعرف منو ببوسه"
(كناية عن الاهتمام بالنظافة)
"كنّس وموش حواليك ما بتعرف منو بيفوت عليك"
"بيت كبير وحجاره حمر وجواته جوع بيقصف العمر"
(كناية عن المظاهر خداعة)
"قامت الخيل لتنحذي مدّت الفارة رجلها"
"مركب الضراير سار ومركب السلايف غار"
(كناية عن اتفاق الزوجتين واختلاف زوجات الإخوة)
"المطر السكوتي بيهد البيوتِ"
"الرجال في البيت رحمة حتى ولو كان فحمة"
"قلبي من العجّور منجور"
"قلبي على ابني وقلب ابني ع الحجر"
"المنحوس منحوس ولو علقوا له فانوس"
"المسعدات كثار بس المعثرات بيسدوا عين الشمس"
"وقعت الفارة من السقف قال لها القط باسم الله قالت له إذا سلمت منك أنا بألف خير
من الله"
"عطيتك تختي ما عطيتك بختي"
"بحجتك يا بنتي باكل أنا وانت"
"احترنا يا أقرع منين بدنا نمشطلك"
"عيّب الدست عل المغرفة قال لها يا سودة يا مقرفة"
"اللي بيحمل يحمل واللي ما بيحمل يرحل"
"الجار القريب ولا الأخ البعيد"
"لو شاف الجمل حردبته وقع وانكسرت رقبته"
"اللي ما ذاق الغلاية ما بيعرف شو الحكاية"
"الحكي إلك يا جارة اسمعي يا كنة"
"يللي بيشوفني بعين بشوفه بثنتين"
"يللي عطيتني ياه مغطّى خذه مكشّف"
"معيّد القريتين"
(حضر أحدهم العيد في إحدى القرى فلم تعجبه مراسم العيد فيها فرحل إلى القرية
الثانية ولكن كان العيد قد انتهى فلم ينل العيد لا في هذه القرية ولا في تلك)
"الله خلق أخين وخلقلن طبعين"
"يللي ما بتحلّيه خدوده بيحلوه جدوده"
"شبدي أتذكر منك يا سفرجلة غير كل عضة بغصة"
"زيوان البلد ولا قمح الغريب"
"إذا نصفني الدهر يوم أسود ويوم أبيض وإذا ما أنصف كل الليالي سود"
"البواب مغلّقة ع هموم مفرقة"
"باب كبير ما له حلقة وأهله بتجوز عليهن الصدقة"
"المعثر حتى لو ركب ع ظهر الجمل بيعضه الكلب"
"حط إصبعك في عينك مثل ما بتوجعك بتوجع غيرك"
"صديقي اللي ما حرك عندي وانا حي شلي فيه عند ردات التراب"
"لا للكيف ولا للضيف ولا لغدرات الزمن"
(وهو كناية عن أن الزوجة لا تصلح لشيء(
"الولد اللي ما بيبكي ما بترضعه أمه"
"الله بيرزق الدودة في الحجر الجلمودي"
"أحسن دوا شم الهوا"
"جرح اللسان أشد من جرح السنان"
"الباب اللي بيجيك منه ريح سده واستريح"
"خلط الطحين بالدبس"
(أي أساء التصرف بشكل يصعب إصلاحه)
"روح بلّط البحر"
"اشرب من الساقية"
"يا رايح كثّر ملايح"
"الدار الولدتني ما هربت وتركتني"
"بده خرزة زرقا"
"الحجر مطرحه قنطار"
"يللي بيشتغل بالسم بيلحس منه لحسة"
"النار ما بتحرق إلا إيد كاويها"
"الجبان بيتشركل بخياله"
"الحجر اللي ما بيعجبك بفجك"
"مال الخسيس بيروح فطيس"
"ما بتلاقي المنافس غير ع الخنافس"
"صام صام وفطر على بصلة"
"المونة بدا ركونة ما بدا مرا مجنونة"
"عطي الخبز لخبازه ولو أكل نصه"
"الرجل ما بتدب غير مطرح ما بتحب"
"الليلة ليلة نوح لعند جارك لا تروح"
"العاشق أعمى"
"علك المجنون ملاة ثمه"
"عند المغرب والعتمة لمّي بيتك يا عفنة"
"أكل ومرعى وقلة صنعة"
"حبل الكذب قصير"
"الجواب بمحله بيسوى ثقله ذهب "
"الباب اللي بيجيك منه ريح سده واستريح"
"السكافي حافي والحايك عريان"
"كل نار بتصير رماد"
"اللي فيه مسلة بتنغزه"
"كل عنزة معلقة من كرعوبا"
"ألف قلبة ولا غلبة"
"ما حدا مقطوع من شجرة"
"يللي ما بتزينه شراشه ما بيزينه قماشه"
"يللي ما بتزينه عروقه ما بتزينه خروقه"
"مسدود بقشة"
"ما بيحس بالوجع غير صاحبه"
"موقّف ع نقرة"
"من كان شقي ما بتسعده الأيام"
"الكلب النشناش أحسن من السبع الرابض"
"أحمض ما عندك اطبخه"
"ألف عين تبكي وعين أمي ما تبكي"
"دفع الله ما كان أعظم"
"الرجال عند غراضها نسوان"
"درب يسد وما يرد"
"ما حدا بيقول شحال أبوك إلا شحال أمك"
"اشتهى القلب وما قصّر"
"اللي ما بيعرف لحم النسر بيشويه"
"قلبي من العجور منجور ومن الحامض لاوي"
"العين ما بتعلا عالحاجب"
"يللي في دار أهله على مهله"
"الدم ما بيصير ميه"
(كناية عن قوة العلاقات الأسرية)
"الديك الفصيح من البيضة بيصيح"
"كثر الشد بيرخي"
"عيش كثير بتشوف كثير"
"اقعود ألوأ واحكي جالس"
"العتب صابون القلوب"
"صوص العنب بيشرب وبيقلب"
"لا هابوب ولا دابوب"
"الخال مخلا"
"اللي فيه مسلة بتنخزه"
"المفرّق طلع مطرّق"
"أكثر من القرد ما مسخ الله"
"طول عمرك يا زبيبة في راسك هالعود"
"أم البنات بتمشي بثبات وأم البنين بتمشي وبتميل"
"العين بصيرة والايد قصيرة"
"افلح أرضك واستر عرضك"
"العز للرز والبرغل شنق حالو"
"الفلاح بيعيش فقير وبيموت غني"
"العروس بعقلها وقلة أكلها"
"من الهمل ضاع الحمل"
"ألف كتاب ولا زلة"
"الأقارب عقارب"
"الطبل في حرستا والزمر في منين"
"من خلّف ما مات"
"البحر ما بتعكره ساقية"
"لابق للشوحة مرجوحة ولأبو بريص قبقاب"
"آب اللهاب"
"في السخرة كنّي مهرة وفي شغيلي انقطع حيلي"
"أيلول دنبو مبلول"
"آذار أبو الزلازل والأمطار"
"خبّي حطباتك الكبار لعمك آذار"
"عقارب نيسان"
"شباط ما ع كلامه رباط"
"ثقلية ع الحمارة وقطيعة للزوادة"
(كناية عن شخص عديم الفائدة في المشوار )
"يطعمك الحج والناس راجعة"
"قالوا للحرامي حليف قال جيني الفرج"
"اذكر الذيب وهيّر له القضيب"
"الرحمة بتخص والبلا بيعم"
"كل الدروب بتودي ع الطاحون"
"ألف قولة جبان ولا قولة الله يرحمه"
"الفارة مانا معبية جحرا وجارّة وراها مكنستا"
"الموت مع الناس رحمة"
"ما بتجي الرفسة القوية إلا من الجحش الضعيف"
"الحية إذا جاعت بتعض بطنها"
"سعينالك مسحّر خلص رمضان"
"جيل بعبع بياكل ما بيشبع بيطلع ما بيرجع بتحكيه ما بيسمع"
"الكلام بينذاق متل الأكل"
"يللي ماله كبير ماله تدبير"
"الكلام صفة المتكلم"
"هم البنات للممات"
"المناطق سعادة"
"ربّي كلبك بيعقر جنبك"
"المجالس مدارس"
"يللي بده يعمل جمّال بيعلّي باب داره"
"يللي ليه من الجمل أذنه بينخه"
"لما تحتاج الكلب قول له يا حاج كلب"
"يللي ماله حظ لا يتعب ولا يشقى"
"كلب الشيخ شيخ"
"الحيط المايل عطيه دفشة"
"مثل الكلب حظه في رجليه"
"الله بيطعم الحلاوة للي ماله سنان"
"القربة المبخوشة نافخها تعبان"
"الكلام اللي ما بيتنفذ يا حسرة قايله"
"الحكي لك يا كنة اسمعي يا جارة"
"حامل السلم بالعرض"
"حاجي تطق حنك ع الفاضي"
"كل حبة مسوسة لها كيال أعور"
"حبر على ورق"
"قله رافقني بغنيك قله افرقني وخليني أشحد"
"الحبس للرجال"
"كومة حجار ولا هالجار"
"حبل الكذب قصير"
"مدحنا القط بعثر الطحينات"
"ذكرنا القط جينا ينط"
"الحق الكذاب لورا الباب"
"منحمد في هالكور والكور مفخوت"
"هالصبي قد الفارة وصوته ملاة الحارة
"وعر القماط حلو الزقاق"
"الحبل ع الجرار"
"بدل ما تقول لها كش اضربا وكسير رجلا"
"الحرامي إيدو بتاكله"
"كل من شافني أرملة شمّر وجيني هرولة"
"حرّك الرطال و لا تقعد بطّال"
"إذا إنت العدل أنا رباطه"
"الحسد بجيب المرض"
"جيه للعميان ولد مفتح عموه بالتلحمس"
"حسن السمعة ثروة وبركة"
"كثّر الغلبة على أمك وأبوك بيكرهوك"
"حط بالخُرْجْ"
"مكتوب ع باب الجنة عمرا حماية ما حبت كنة"
"إذا مو ولده من ظهره وإذا مو فدانه من أرضه وإذا مو حماره من اسطبله يا ذلّه ويا
قهر÷"
"الحكاية فيها إنَّ"
"محل ما بترزق الزق"
"حكم فينا حكم فرعون"
"العيار اللي ما بيصيب بيدوش"
"إن حبيتني ما رح تعمرلي قصر وان بغضتني ما رح تعمر لي قبر"
"الحكي أخذ و عطا"
"أعور وبده يتبعور"
"العجينة اللي ما بتلزق بتعلّم"
"اللي بياكل على ضرسه بينفع نفسه"
"حكى بدري و انشرح صدري"
"العنزة اللي بتقول ماع بيروح عليها ناع"
"حلال ع الشاطر"
"سرسوقة ماشية ولا نهر مقطوع"
"الحيطان دفاتر المجانين"
"الحيطان لها أذان"
"اللي بياكل العصي مو متل اللي بيعدّا"
"أذن من طين وأذن من عجين"
"ما بيعرف كوعه من بوعه"
"ايدين دكك ورجلين سكك"
"أكبر منك بيوم أعرف منك دوم"
"العاب بالمقصقص حتى يجيك الطيار"
"الحجر اللي ما بيعجبك بفجك"
"المونة بدا ركونة ما بدا مرا مجنونة"
"أكل ومرعى وقلة صنعة"
"السكافي حافي والحايك عريان"
"اللي فيه مسلة بتنغزه"
"ألف قلبة ولا غلبة"
"ألف عين تبكي وعين أمي ما تبكي"
"العين ما بتعلا عالحاجب"
"الدم ما بيصير ميه"
"الديك الفصيح من البيضة بيصيح"
"العين بصيرة والايد قصيرة"
"العز للرز والبرغل شنق حاله"
"البحر ما بتعكره ساقية"
"ألف قولة جبان ولا قولة الله يرحمه"
"الموت مع الناس رحمة"
"القرد بعين أمه غزال"
"الحكي إلك يا كنة اسمعي يا جارة"
"الآخرة يا فاخرة"
"الروحة بإيدك والجية بإيد الناس"
"الغايب حجته معه"
"ايمته كنا والشمس ترقعنا"
"جيه يكحلها عماها"
"الرمد أشوى من العمى"
"العيرة ما بتدفي واذا دفت ما بتوفي"
"ثوب العيرة ما بيدفي وإذا دفى ما بيدوم"
"ايد واحدة ما بتصفق"
"إذا داقت عليك المخازن مخزنك عبك"
"إذا كان حبيبك عسل لا تلحسه كله"
"الله يطعمك حجة والناس راجعة"
"الولد اللي ما بيبكي أمه ما بترضعو"
"أعزب دهر ولا أرمل شهر"
"الطرق ولو دارت والبنت ولو بارت"
"الدهر يوم لك ويوم عليك"
"الخبز والماء أكل العلماء"
"الحارة ضيقة والحمار رفاس"
"حارتنا ضيقة ومنعرف بعضنا"
"الله ما نشاف بس بالعقل نعرف"
"الخوف بيقطع الجوف"
"الجمل لو شاف حردبته وقع وانكسرت رقبته"
"الصاحب ساحب"
"الجنازة حامية والميت كلب"
"الأعور بين العميان ملك"
"الخير بخير والشر بغير"
"الجمل إذا بار بيحمل قنطار"
"العين مغرفة الكلام"
"إن عاب عليك أصله دليلك فعله"
"الجمل لولا الفزة حمل المزة"
"القط ما بيهرب من العرس"
"الجار قبل الدار"
"إن كبر ابنك خاويه"
"الجار ولو جار"
"الولد ولد ولو صار قاضي بلد"
"الولد ولد ولو ملّكته بلد"
"يلي بيجي عيني ولي ما بيجي عينتيني"
"يلي بيجي حلت علينا البركه ولي ما بيجي خفف علينا اللبكه"
"الضيف المنظوم بيشرب القهوه وبيقوم"
"الصدر للضيف والعتبة لنا"
"طلبته المشتهيه أكلته المستحيه"
"الجار جار ولو جار"
"كوم حجار ولا هالجار"
"إذا جارك بخير إنت بخير"
"جارك القريب ولا أخوك البعيد"
"جارتي بتحبني كريمه وجوزي بيحبني قوية وأهلي بيحبوني غنية"
"زاعلي جارتك وخلي للصلح مطرح"
"من برّه هالاّ هالاّ ومن جوّه يعلم الله"
"من برّه رخام ومن جوّه سخام"
"يا ما تحت السواهي دواهي"
"ما يغرّك البيت وتزويقه...واحد فطر والثاني على ريقه"
"سبحانك يا عاطي يا معلي الواطي"
"يلي بيجيه شي وبيرده يا حيف عليه وعلى جده"
"اللسان الحلو بيطالع الحيه من وكرا"
"الولد ابن أمه يا حيف عللي بيلمه"
"إذا مات أبوه على المراتب حطوه وإذا ماتت أمه على المزابل ودوه"
"إذا عاش أكلت من خيره وإذا مات أخذت غيره"
"بيمشي بالجنازه وبيفكر بالجوازه"
"قال شو خلفلك جدك أبوك ومات"
"يللي بيخلفه أبوك لك ولأخوك"
"يا داخل التربه ومعك فاس بدك تاكل همك ولا هم الناس"
"يا داخل بين البصلة وقشرتا ما بينوبك غير ريحتا"
"عشيقك لا تاخذيه وطليقك لا ترديه"
"العيون السود بالقفه والعيون الملّونة بالصدفة"
"لولا علبة سنامكي كانت الأحوال بتبكي"
"الحلوه حلوه ولو فاقت من النوم والبشعه بشعه ولو حطت ميت لون"
"جى الحلاق يفتح بأقرع استفتح"
"حيرتنا يا أقرع منين بدنا نمشطك"
"على حظك يا حزينه سكرت المدينه"
"طلعت المستحية من الصبح لعشية"
"يلي بيشرب من البحر مل بيتشردق بالساقيه"
"ما بتعرف خيره لتجرب غيره"
"يلي بتوفره السمره بتحطه كحلة وحمره"
"ابن أربعه ربعوا إذا ما قعد أدبوه وبنت سته ستتوها إذا ما قعدت لا تجبروها"
"مو كل من صف الصواني صار حلواني"
"لا حمايه ولا ضره إلا سخطه من عند الله"
"خذو البنات من صدور العمات"
"إذا ماتت الإمات دربكو ع العمات"
"هم البنات للممات"
"ما صرنا هون الا وقلنا يا رب العون"
"بعد الأربعين يا رب تعين"
"إن طلع الولد لخاله يا زين فعاله وإن طلع لعمه سبوه هو و أمه"
"الولد تلتينه للخال"
"اضرب ابنك وحسين أدبه ما بيموت ليجي أجله"
"صار للدبانه دكانه وصارت تسكر على بكير"
"بيلبق للشوحة مرجوحة ولأبو بريص قبقاب"
"كبرت الباذنجانة ودندلت جراسا ونسيت التراب اللي كان فوق راسا"
"كبر القمر ودور ونسي الزمان الأول"
"القصة مو قصة رمانة قصة قلوب مليانه"
"غسل وجهك ما بتعرف مين بيبوسه وساوي بيتك ما بتعرف مين بيدوسه"
"بنقعده بالصدر بنلاقيه بالعتبه"
"صدر البيت لك والعتبه لنا"
"كله عند العرب صابون"
"متل عرموش العرمط لا بيحل ولا بيربط"
"مثل طرطار الطاحون لا بيخشّن ولا بينعّم"
"زبادي بليس ما بتخيس"
"زبادي الزبل ما بتتكسر"
"الأمانة موكّل عليها بليس"
"أبو غيبة ماله هيبة"
"بنت المعمرجي حلما تعمر أوضه وبنت الصايغ حلما تشتري سوارة على الموضه"
"ما في شي ببلاش غير العمى والطرش"
"ما بيحن على العود غير قشره"
"شرط بالحقله ولا قتال على البيدر"
"أيام العرس حلس وملس"
"قد فرحتي ليلة عرسي"
"العروس للعريس والجري للمتاعيس"
"مين بيشهد للعروس غير أمها وخالتها وعشرة من حارتها"
"ست وجاريتين على قلي بيضتين"
"ملائكته سارحة"
(يقال في الطفل المستغرق في نوم عميق)
"ملت بطنها وزنكرت وطلعت ع الحيط ونكرت"
(يضرب لمن ينكر المعروف)
"ماله من شوي اللحم الا ريحته"
(يضرب يللي بيروح جهده لغيرو)
"اللي ما معه شي يتعشى بيشتري فجل وبيتدشى"
(يضرب للفقير الذي يتظاهر بالشبع)
"من أول غزواتي انكسرت عصاتي"
(يضرب لسيء الحظ)
"من بعد أمي وأبي الكل جيران"
"من بعد ما حبلت سكرت الباب"
(يضرب لمن يصحو بعد فوات الأوان)
"من تمك يا كحلى أحلى"
"من حبي بالعبيد بجن ع الكلاب السود"
(يضرب لمن وصل به الحب لدرجة الهيام)
"من عجلة القطة جابتهم عمي"
(يضرب لذم العجلة)
"من الفقر ما بنتعشى والكيف فينا داير"
(يضرب للفقير البطران)
"من فك العجايز كل شي جايز"
(يضرب لكلام العجائز الذي يكون أحيانا بعيد عن المنطق)
"من فوله قدموله"
(يضرب لمن يكرم الناس من أموالهم)
"من دهنه سقّولوه"
"من قلة الأحباب زارتنا الكلاب"
(يضرب لمن لا أصدقاء له)
" من قلة العنب أكلنا عراميشه"
(يضرب للفقير وذي الحاجة)
"من معرفته بالصحابة ترضّى على عنتر"
(يضرب للجاهل)
"من هالك لمالك لقباض الرواح"
(يضرب لمن يسير من سيء لأسوء)
"من يومك هذا لونك"
"منفوخ متل الطبل" (يقال في المتكبر)
"مني خيط ومنك خيط يا زلمه منعمر بيت"
(يضرب للزوجة التي تعاون زوجها على إعمار البيت وبناء الأسرة)
"منين نجيب القوت والجيب مفخوت"
"منين لوين يا غراب البين"
(يضرب لمن يدعي العلم والغنى والجاه والجمال وهو عكس ذلك تماما)
"مثل غراب البين ما بيجيب غير الفين"
"منين ما ضربت الأقرع بيسيل دمه"
"اللي بيبيعك بالفول بيعه بالقشور"
"جبنا سيرته قامت فاحت ريحته"
"ذكرنا القط جانا ينط"
"حضرنا الحطب والعريس لسه ما خطب"
"احترنا يا أقرع من وين بدنا نمشطك"
"لو كان الشعر بيجيب البخت حط العنزة على التخت"
"العنزه الجربانه ما بتشرب إلا من راس النبعه"
"قالوا للجمل ليش شفتك مرتخية قللن الشي مو بالجمال الشي بالجاذبية"
"أحلى مني الله خلقه أشطر مني دم فلقه"
"مقسوم لا تاكل وصحيح لا تقسم و كول لتشبع"
"لا طنجره عم تغلي ولا مقلايه عم تقلي وكلي وشبعي"
"كلمة بت ولا عشرة لت"
"كلمة ناشفة أحسن من عشرة حلوين"
(كناية عن ضرورة قلة الكلام والابتعاد عن الجدل)
"خلي العسل بكواره لتجي سعاره"
"أم البنت مسنودة بخيط ... وأم الولد مسنودة بحيط"
"إذا بدك تجيب غراب البين اتجوز ثنتين"
"الزلمة رحمة حتى لو كان فحمة"
"اسحب البنت من كمها تطلع البنت لأمها"
"طب الجرة على تمها بتطلع البنت لأمها"
"أنا وأخي على ابن عمي وأنا وابن عمي على الغريب"
"جبنا الأقرع ليونسنا كشف عن قرعته وخوفنا"
"رزق الهبل على المجانين"
"صاحب الحق عينه قوية"
" سألوا المسمار ليش بتفوت بالحيط قلهم من كتر الدق فوق راسي"
"العنزة الجربانة بتتباهى بشعرات بنت خالتها"
"قالوا للحمار مين أبوك قال الحصان خالي"
(كناية عن التباهي بالماضي والأسلاف)
"إبعد عن الشر وغني له"
"اضرب الحديد وهو حامي"
"عطي خبزك للخباز حتى لو أكل نصه"
"قالوا له طلق أم حسن واتجوز أم حسين قال لهم الله يلعن الثنتين"
"إنقعها واشرب ميتها"
"ريحة الأم بتلم وريحة الأب بتخم"
"لا للسيف ولا للضيف ولا لغدرات الزمن"
"ألف رنة جرس ولا نوبة حرس"
"ضيف المسا يا بيّات يا عشا"
"ما بيفضح الأمير غير الكنة والأجير"
"قعود برا ولا تقعد جنب الخبز والجرة"
"ضربة المعلم بألف حتى ولو شلفها شلف"
"بيرمي كل عشرة ببير وبيقول يا رب التدبير"
"الثلم الأعوج من الثور الكبير"
"الإنسان مثل الشجرة بينكسى وبيتعرى"
"المرأة بتعشش والزلمة بيطفش"
العتابة من صغر ما هيش صنعاي .. تسوي من حلب لبلاد صنعاي
وردتين اللفتحو عالخد ما هنيش صنعاي .. عليهم وشم من والي حماة
مريض وعلتي واحد واربعين .. بحيث الولف من يمي وربعين
يا ولفي إلك من جسمي ثلثيه وربعين .. ضحية لأجلك يا أغلى الاحباب
يا إمي فراق خلاني تعبناي .. عن دروب الجهل يا خلي تبناي
حسّبتك يا ولف تبر تارنك تبناي .. خفيف وتطير من نسمة هوا
هلا بالشرّف المنزول والدار .. ريقه يشبه الياقوت والدر
وحق اللي خلق الزبد من الدر .. انتو عزاز عيني ع المدى
قنصت الصيد بِرْجلّ السهالاي ودمعي .. ملّن غدور السهالاي
ثلاث نوبات ابو جديلة سهي لي .. وصار العف مني والحياي
يا طارش روح لحبابي وانا لهم .. وكيف الضيم يلحقهم وانا لهم
إن سال السيل يا حبابي وانا لهم .. سنودٍ ع الذواري والنياب
وليفي ع المدى ما حسنت اعوده .. وخايف في ضميري شك عوده
كفى يا غايبين عن الدار عودن .. ما عاد القلب يتحمل مصاب
يا عنز الريم لسه ما وردتن .. وفات القيظ كله وما وردتن
ولذكرلك غدير ومي تردين .. من العاصي لجرّيلك مياه
على قلبي يا خلق الله كثير حساب والهم .. وبيدي لسحن الزرنيخ والهم
متى تلفون يا شيالة الهم .. تشيلون الثكل واحنا عفا
يا قلبي ما يحب البخل والشح .. ولا يقنص فراخ البوم والشوح
يا هل تركظ ورا العفنات وتشوح .. صابك مثل طرّاد السراب
لها غطة شبيه الظبي بالنوم .. وعند الشمس قب وانتحى
يفز القلب لا قامت من النوم لأم العين الذبلانة من النوم
وعند الشمس قب ولا يوالف .. على القناص دوم ولا يوالف
وأومي له بيدي ولا يوالف .. وقوطر وانحرف بفجوج الخلا
يا ريمات العوالي يا خلق الله صبّحن .. ذهب حجل المزريف صب حنا
يا إم سن الذهب ما بين عظماي .. وهواك دق لحمي فوق عظماي
وحق البيت واللي بيه عظماي .. لعشرة غيركم مالي غنا
ابات الليل ع الخلان ادوّر .. حزين وف بلاد الناس ادوّر
ساعة أنام وساعة أقوم أدوّر .. وساعة أقول هون كانوا الحباب
قوم احمسها وزيّن حمسها يا السنافي .. ونسّفها ع الجرن تنسيف
ليالي الهنا يا اسفي عليها .. زمان اللي مضى ما عاد يرتد ثاني
أنا إن كثر مالي كل الناس تصاحبني .. وان قل مالي كل الناس عدواني
يا طالب النصر من عداك موت كمدا .. كطالب الشهد من نياب ثعبان
يا وادع السر مع من لا يصونه .. كوادع الريح في اكمام عريان
يوم ذاق صدري قمت ادير المعاميل .. خوفي عليهم لا يبدو بهم عار
وانلاعب المهباج ونهزعه زين .. بلكي يتونا من هل الكيف مسيار
ترى الرفاق مثل ذرْعٍ المكروب بالحيل .. اذا انفتق ما يصنْعه كل نجار
يومٍ شفت الحَمَارَ كدّيت راس حصاني ... ولا ترتهق يا قليبي وهي عفنة النسوانِ
حاجي تجخّي على سمانا ... وراسك مكبتل قد البلّانا
لا تخمني حالك بيضا وريانة ... وعضة من خدودك تسوى مليونا
من هون الدرب ع حيفا ويافا ... ومحبوب القلب نايم بلحافا
تسوي يا حلوة أراضي يافا ... من شرقي الأردن لفلسطينا
ومن شرقي الأردن لاشتريلك تونبيل ... يم العيون مكحّلة بالميل
لأجلك لحمّل واسير واسكن ... في شتورا لاجلك يا عيونا
شرّقوا مشرّق الله معاهن ... الله يصبرنا على فرقاهم
ما حلوة العيشة بلاهم ... يللي جرّبتوا ليش تلومونا
يوم فراق خلاني وبدالي .. وبدالي في محبتكو بدالي
وتفرّج عاد يا ثوبي بدالي .. على جسم نظيف وشعر ما بي
يوم فراق خلاني وجميلي .. لبسنا الثوب وحمّلني جميلي
انا لحلف دين دارك ما اجيلا .. لا يحني الظهر ولا يشيب الغراب
يوم فراق خلاني لواوين .. واللي دشّروا قصورو لواوين
انا يا حاملين النعش لا وين .. وترى عزرين خير ما سخا
يوم فراق خلاني حبلين .. على صدرها من المرجان حبلين
اسافي يا ملاح البيض حبلين .. ومن العفنين جابون الضنا
يوم فراق خلاني وسنوناي .. ولحم ضاني في المقلي سلوناي
بعد ما كنت أنا الغالي سلوناي .. وزتوني عتيق من الثياب
عجب تبكي وعجب تضمك عجب ليش ..
انا إن مت حطوني ع النعيش ..
وجيبولي كفن غز للحباب ..
بعد ما كنت عالي ع العوالي .. صبّحت الوج على بواب العوالي
بعد ما كنت أول صرت تالي .. صرت اطلب من الفاين عطا
اقتليني واذبحيني يا فلي .. وازرعي وردي على قبري وفلي
بعد ما كنت تفاحة بسلي.. بليت وكسّر غصوني الهوا
أجي لديارهم لأنهن يملون .. ومكاوي نار بقلبي يملون
وهالي من قبلها لا يملون .. يكرمون الضيف بسنين الغلا
حرام الورد يجرحني يا دلال .. وانا اللي مشيت ع دروبو يا دلال
دخيلك بس خبرني يا دلال .. حبيب القلب عني وين غاب
شرّق يا حمام الدير شرّق .. يا كل حبابنا صاروا مشرّق
انا لعوف هالديرة واشرّق .. واسكن ديرةٍ بيها الحباب
لسكن حماد التنف واورد على الخبرات
لاجلك حبيب القلب حتى يقولوا مات
لالبي شماخ الكفخ تايرجعوا الحباب
والله ان طال البحر مثل الشمع لذوب
هذول اللي بلايي من بلاهن .. وهدب العين ما يغفل بلاهن
احط الزاد وما ينزل بلاهن .. ضلّوا قبال عيني مصورين
وان هجرتني لهجرك .. وان رميتني لرميك
شمتّ فينا العدا ربك يشمّت بيك
وان كنت خاتم ذهب .. من خنصري لرميك
واسكب عواضك تنك .. يلبق على ديي
يا نجاد شبّ النار وادني الدلالي
وسوي فنجان ما يقعد الراس
يا الخاب ظنك بالرفيق الموالي
مالك على الناس مشراك
انا وحيد واشيل الحمل لحالي
واصبر على مر الليالي والتعاسة
مثل الرميم خلوني على جال .. غدير وشح يا مية على جال
اتذكر عاد يا قلبي على حال .. الوطن والولف وفراق الاحباب
علوّا لو اني مع الصبيان مثلن .. وكل ما صار جيل اصير مثلن
انا ضيّعت ريم ما شفت يا ناس مثلن .. مكحّل راس هدبه بلا دوا
سريت بليل واهلي ما دورا بي .. قطعت جبال واكثرهن دروبي
لو اني ادري المنايا ع الدروبي .. قبل ما مشيت ودعت الاحباب
انا لطلع لراس التل وحدي .. واشوبش لنجوم الليل وحدي
بنات ضمير فين كل وحدي .. ترمي الطير من عيون السما
وجبل لبنان يا عالي الثلوجاي .. حبابي فيك وعيوني تلوجاي
شدّولي على الزرقا سروجاي .. لنلحق ضعنا قبل الغياب
صباح الخير يا محطة بياضين .. وسواد العين غالب ع البياضين
انا ما اسلاك لو شحوا البياضين واعور الدجال يظهر بالخلا
هلا بريم جيتي مقبلاي .. مثل الشمس ع العامل مقبلاي
يا كاس السم من ايدي مقبلاي .. ولا من غيركو كاس الهنا
سحت براس التل وودعوني .. غريب وما ادري باي ديرة ودعوني
كبيت وصاب راسي الودعيني .. عميت وما شفت ظعن الحباب
قال حبابي لو بعدوا عني لونهن .. الجفا والبعد غيّرلي لنوهن
علوّا يا منا عيني لونهن .. قراب ونجتمع الليلة سوا
على دلعونا ليش دلعتيني .. عرفتيني شايب ليش اخذتيني
لكتب كتابك ع ورق تيني .. واجعل طلاقك بزر الزيتونا
على دلعونا وعلى دليعاتي .. يضرب الشايب هوّ حكياتي
يبدي اغني وما ني غضراني .. حسي مبحوح من الرمضان
محبوبتي اللي اقبلت بالطول جلساني .. والثم خاتم ذهب والعين نعساني
ش حكيلك يا اهلي ع طول القمّاني .. والشوك مثل العقارب يلسع ايديا
محبوبتي اللي اقبلت بالطول بعرفها .. بدها تقوللي مرحبا لاحت بسالفها
والبنت اللي عنكو لا حد يخالفها .. ما شفتوها يا خلق مهرة رباعية
بالله يا خلق اشهدوا تايب لوجه الله .. عن الحرام ، بس عن المحبوب لا والله
يا طير يا معتلي ودّي سلاماتي .. على فراق الولف قلبي سلا ومات
ع عيون الخلق واقول لخياتي .. وانت صندوق القلب ريتك حلالي ّ
سرينا وما سرى العامر مع الليل .. وخدك الكوكب الساري مع الليل
اهل الفن راحوا معاليل .. مع الشمّخ طويلات الرقاب
جيت انهض ما عاد لي حيل على القوم .. وريقي صار بعد القطر علقم
انا لدخل عليكو يا هل القوم .. تردولي منكسين العصاصيب
يا بو شعر تجدله مرابيع .. وعقلي شت مع بيض المرابيع
يا ربي تلهم الدلال لبيع .. واتاجر فيكي يا ريم الفلا
حاصودي ماني حاصودي جيت اخم القرايا
بيد احصد وبيد القط وصدري يضم الصبايا
حاجي تمطر يا ربي زرع العفير رويته
لا هو فرس مع الخيل ولا هو كريم ببيته
قلبي يا زين معوّد الله ما بيني وبينه
وتصيح صابوني وتصيح صابوني .. مرّوا عليّ العدا وبالعين صابوني
لو قطّعوني شقف والواح صابوني .. ما أحيد عن عشرتك يا نور عينيّ
وتصيح يا محمود وتصيح يا محمود .. اربع جدايل شقر واربع جدايل سود
وتصيح ما جابت وتصيح ما جابت .. جابت انتعشر صبي والشمس ما غابت
حجت لذاك النبي حجت وما تابت .. ودقت ع صديرها وقالت انا البنية
يا بنية غاب القمر والضو جهجهلك .. قومي بلا مستحا روحي على اهلك
تعي من غرب البلد يا بنية اوجهلك .. اخاف يشوفوك حدا ويظن الردي بيّا
قامت من النوم تنده يا لطيف .. لاني مجنون ولا عقلي خفيف
من ورا التنور تناولني الرغيف .. يا رغيف الحلوة يكفيني سنة
قوم اضرب لي بالرمل يا مغربي .. شوف حبي بزعل ولا بهنا
قامت من النوم ترد الباب رد .. يا شعر الحليوة ترده ما ينرد
شفته للمزيون بكروم السقي .. داير ع ولفه ولا هو ملتقيه
يا عشيري الاولي صاير تقي .. بيده مسبحة يوحّد ربنا
قلتلا شاسمك قالت لي نايفة .. ومن كلام الناس ماني خايفة
يا غزيّل ع القنا اشرب تاقوللك هنا
يا غزيّل وان مت انا دوّر لك صاحبا
يا غزيّل ع التينة ياكل ولا يطعمين
يا بنية ذبحتيني من قولتك مرحبا
يا غزيّل على السد وعين الاعزب مسودة
بدي حبيبي بدي غصب ما هوش طيبا
يا غزيّل اسمه فارس ويتعلم في المدارس
الله والنبي حارس يحرسلي الحبيبا
يا غزيّل يعني يا بن عمي طاوعني
اصبعتي عم توجعني بدها خاتم ذهبا
يا غزيّل لا تغلها والسمرا لا تزعلها
والبيضا ظل اقتلها من الصبح للمغربا
يا غزيّل قُلُّه قُلُّه نرحل ولا نظلله
قضينا العمر كله بالشقا والكركبا
عروس عروسة شيلي هالغطا وارميه
يلعن ابو هالغطا لابو السَعالك فيه
والوجه دويرة قمر والورد فتّح فيه
والصدر بستان لابن العم يطارد فيه
لأطلع ع راس التلّ وأظل أبكي
واقول يا فرقة الخلاّن ويلي شما اصعبك